O‘ZBEKISTONDA IJTIMOIY INSTITUTLAR TURLARI VA ULARNING RIVOJLANISHI

Mazkur maqolada O‘zbekistondagi turli ijtimoiy institutlarning paydo bo‘lishi, shakllanishi va rivojlanish jarayonlari tahlil qilinadi. Ijtimoiy institutlar jamiyatda muayyan qoidalar, qonunlar va me’yorlar asosida insonlar o‘rtasidagi munosabatlarni tartibga soluvchi tizim sifatida tasvirlanadi. Maqolada oila, ta’lim, din, iqtisodiyot va siyosat kabi asosiy ijtimoiy institutlarning rivojlanish xususiyatlari hamda ularning jamiyat barqarorligi va ijtimoiy farovonlikka qo‘shgan hissasi o‘rganiladi. Shu bilan birga, O‘zbekistondagi ijtimoiy institutlar faoliyatiga zamonaviy globallashuv jarayonlari va davlat siyosati ta’siri ham ko‘rib chiqiladi. Asarning maqsadi – O‘zbekistondagi ijtimoiy institutlar tizimini har tomonlama tahlil qilish va ularning jamiyatdagi rolini aniqlash orqali ularning samaradorligini oshirish yo‘nalishlarini belgilashdan iborat.