“Sharq ijtimoiy fanlar jurnali” ijtimoiy fanlariga ixtisoslashgan nashr boʻlib, filologiya, pedagogika, tarix, falsafa, madaniyatshunoslik, siyosat, iqtisod sohalaridagi ilmiy-amaliy innovatsion yangiliklarni har tomonlama yoritishni, jurnalxonlarning ijtimoiy-gumanitar sohadagi fanlarda kuzatilayotgan ilmiy yangilik va axborotlarga boʻlgan talab-ehtiyojlarini yanada toʻlaroq qondirishni, jurnal imkoniyatlaridan keng va samarali foydalanishni oʻz oldiga asosiy maqsad qilib qoʻyadi. Ijtimoiy sohada olib borilayotgan dolzarb, yangi, ilm uchun samarador hisoblangan va taqrizdan oʻtkazgan maʼlumotlarni ommaga eʼlon qilishni eng asosiy vazifalardan hisoblanadi.

Mazkur ilmiy jurnal onlayn nashr qilinadigan boʻlib, yiliga 6-marta oʻzbek, ingliz, rus tillarida onlayn eʼlon qilinadi.

Tahririyat oʻquvchilarni mamlakatimiz va xalqaro ijtimoiy-gumanitar fanlar sohasida roʻy berayotgan voqea va hodisalardan, yangiliklardan xabardor etadi. Shu bilan birga jurnalda mamlakatimiz, shuningdek, jahon filologiyasi, pedagogikasi, tarixi, falsafasi, madaniyatshunosligi, siyosati, iqtisodiyoti namoyondalarining  ilmiy-publitsistik yoʻnalishdagi eng sara asarlari chop etiladi.