Mazkur maqolada bazalt tolasining avtomobilsozlik sanoatida qo‘llanilishi, uning fizik-mexanik xususiyatlari, iqtisodiy va ekologik afzalliklari, mavjud muammolari hamda ularni bartaraf etish yo‘llari tahlil qilinadi. Avtomobil sanoatida yengil, mustahkam va korroziyaga chidamli materiallarga bo‘lgan ehtiyoj ortib borayotganligi sababli bazalt tolasi istiqbolli kompozit mustahkamlovchi material sifatida ko‘rib chiqiladi. Tadqiqotda bazalt tolasining zichligi, cho‘zilish mustahkamligi, elastiklik moduli, issiqlikka chidamliligi va kimyoviy barqarorligi kabi ko‘rsatkichlari shisha va uglerod tolalari bilan taqqoslanadi. Natijalar bazalt tolasi avtomobil kuzovi, tormoz tizimi, ichki panellar va konstruktiv elementlarda samarali qo‘llanilishi mumkinligini ko‘rsatadi.