Ushbu maqolada Surxondaryo zot tipiga xos qo‘zilarda gullar joylashish rasmining rangbaranglikka bog‘liq holda o‘zgarishi borasidagi tadqiqotlar natijalari keltirilgan. Rangbarangliklarga bog‘liq holda sur qo‘zilar terilarida gullar joylashish rasmining o‘zgarishini o‘rganishda Surhondaryo zot tipiga mansub sur platina va yantar rangbaranglikdagi qo‘zilar terilarida mos ravishda 50,0±9,2 va 43,3±9,0 % parallel-konsentrik gul rasmiga ega bo‘lgan. Bu rangbarangliklarda parallel-to‘g‘ri tipdagi gul rasmi kamroq uchraydi. (33,3±8,6% gacha). Parallel-to‘g‘ri gul rasmi antratsit rangbarangligida ko‘proq (36,7±8,7) uchraydi. Surhondaryo zot tipiga mansub sur qo‘zilarida gullarning joylashish rasmining aralash yoki noaniq tipdagisi ko‘proq uchradi (platina rangbarangligida 30,0±8,3 %, yantar rangbarangligida 23,4±7,7 % va bronza rangbarangligida 26,7±8,0 %, antrasit rangbarangligida 30,3±8,3% ni tashkil etdi)