Mazkur tadqiqot Qoraqalpog‘iston Respublikasining Taxtako‘pir tumani tabiiy-iqlim sharoitida urchitilayotgan qoraqalpoq sur qorako‘l qo‘ylarining eksterer va o‘sish rivojlanish xususiyatlarini kompleks ravishda o‘rganishga bag‘ishlangan. Ilmiy ishda qo‘ylarning tana tuzilishi ko‘rsatkichlari, jonli vazni, o‘sish sur’ati va morfologik belgilari tahlil qilinib, ushbu ko‘rsatkichlarning qo‘ylar mahsuldorligi hamda ularning avlodlarida irsiy namoyon bo‘lishiga ta’siri baholangan. Tadqiqot davomida eksterer belgilarining go‘sht, jun va teri mahsuldorligi shakllanishidagi ahamiyati, shuningdek, seleksion-genetik jihatdan qimmatli hayvonlarni tanlab olish imkoniyatlari aniqlangan. Olingan natijalar qoraqalpoq sur qorako‘l qo‘ylarining naslchilik sifatlarini yaxshilash, mahsuldorlik ko‘rsatkichlarini oshirish hamda zotni takomillashtirishga qaratilgan ilmiy asoslangan taklifl arni ishlab chiqishga xizmat qiladi. Tadqiqot natijalari qorako‘lchilik sohasida seleksiya ishlarini takomillashtirish, mahalliy qo‘y zotlarining genetik salohiyatidan samarali foydalanish va chorvachilik mahsulotlari ishlab chiqarish samaradorligini oshirishda amaliy ahamiyatga ega.