Ўзбекистонда тарих фанининг шаклланиши ва ривожланиши (XX аср – XXI аср боши)

Мақолада Ўзбекистонда XX аср ва XXI аср бошида тарих фанининг шаклланиши ва ривожланиши таҳлил қилинади. Муаллиф тарих фани тараққиётининг уч босқичини ажратиб кўрсатади, асосий тадқиқот йўналишлари, мавзулари ва илмий муаммоларни ёритиб беради, қадимги даврдан ўрта асрлар ва ҳозирги замонгача бўлган Ўзбекистон тарихига оид йирик монографик асарларни тавсифлайди. Шунингдек, сўнгги 120 йил давомида, айниқса охирги ўттиз йилда ўрта аср фанининг буюк намояндалари асарларини нашрга тайёрлаш ва чоп этиш бўйича тарихчиларнинг фаолияти қисқача тематик ва библиографик шарҳда кўрсатилган. Турон ўлкасида давлатчилик ва цивилизация, археология, манбашунослик ва тарихшунослик, этник тарих ва этногенез, этнология, антропология ва этнография, XIX аср ўрталаридан XX аср ўрталаригача бўлган миллий-озодлик ҳаракати, жадидчилик ва ушбу ҳаракатларга қарши олиб борилган сиёсий қатағонлар тарихи каби масалалар бўйича чуқур тадқиқотлар олиб борилган.