Малеҳо Самарқандийнинг “Музаккир ал-асҳоб” асари Аштархонийлар даври тарихини ўрганишдаги манба сифатида

Мақолада Малеҳо Самарқандийнинг ҳаёти ва фаолияти, “Музаккир ал-асҳоб” асарининг ёзилиш вақти, жойи, сабаби, тили, нусхалари, манбавийлиги, тадқиқотлар, таржима ва қайта нашрлари очиб берилган. Шунингдек, мақолада ушбу манбаларнинг Аштархонийлар сулоласи давридаги сиёсий, иқтисодий, ижтимоий ва маданий ҳаётни ўрганишдаги ўрни шу даврда ёзилган бошқа манбалар билан қиёсий таҳлил қилинган ҳолда кўрсатиб берилган. Келтирилган далиллар ёрдамида Малеҳо Самарқандийнинг тазкиралари аштархонийлар сулоласининг Абдулазизхон ва Субҳонқулихонлар давридаги сиёсий, иқтисодий ва ижтимоий ҳаётни ёритишда қимматли манбалар эканлиги исботланган.