IMOM TERMIZIY “SUNAN” ASARI TAFSIR BOBIDA “NISO” SURASI TAFSIRIGA OID HADISLAR TAHLILI

Hadis ilmi islom manbashunosligining asosiy tarmoqlaridan biri bo‘lib, Qur’oni karim oyatlarini to‘g‘ri talqin qilishda, tafsir metodikasini boyitishda muhim manba sifatida e’tirof etiladi. Bu ilm doirasida shakllangan yirik hadis to‘plamlari orasida Imom Abu Iso Muhammad ibn Iso at-Termiziyning (824-892) “Sunan” asarida “Niso” surasining meros vasiyat, ota-onaga yaxshilik, ayollarning ijtimoiy o‘rni kabi dolzarb mavzular bilan bog‘liq oyatlari sharhlangan hadislar orqali ochib beriladi. Ayniqsa, meros masalasidagi tafovutlar, ayol-erkakning huquqlari va bu tafovutlarning shariatdagi asoslari mufassal yoritilgan. Hadislarda bayon etilgan voqealar asosida musulmon jamiyatida adolat, ijtimoiy tenglik va huquqiy tafovutlar masalalari ham yoritilgan. Maqola hadis ilmi bilan tafsir ilmi o‘rtasidagi bog‘liqlikni ko‘rsatib, Qur’oni karim oyatlarining chuqur talqinida hadislarning o‘rni naqadar muhim ekanini ta’kidlaydi.