Тадқиқот мақсади: Артериал босим суткалик профилининг (АБСП) артериал гипертензияли (АГ) беморларда тузга таъм сезувчанлиги бўсағасини ҳисобга олган ҳолда ўрганиш. I–III даражали АГли ўртача ёши 55,4 ± 11,3 ёшдаги 167 нафар бемор текширувга киритилди (ESH/ESC, 2013). АГнинг ўртача давомийлиги 12,3 ± 6,5 йил. Тузга таъм сезгирлигининг бўсағасини аниқлаш мақсадида R. Henkin усу- лида синама ўтказилди. АБнинг суткалик мониторлаш натижасида барча беморда АБСП ўрганилди. АГли беморлар орасида тузга таъм сезувчанлигининг юқори бўсағасининг устуворлиги аниқланди. АБСП кўрсаткичларини тузга сезувчанлик бўсағаси бўйича таҳлил қилинганда, юқори бўсағали бе- морларда систолик ва диастолик АБнинг тонгги кўтарилиш тезлигининг юқорилиги аниқланди, бу эса юрак-қон томир асоратларининг юқори хавфини билдиради. АБнинг суткалик индексининг таҳлили, САБ ва АБурт.нинг тундаги пасайиш даражаси етарли эмаслигини ва бу кўрсаткич туз бўсағасига боғлиқмаслигини кўрсатди. Шунга қарамай, тузга таъм сезувчанлигининг паст бўсағасили бемор- ларда ДАБнинг тунги пасайиши етарли бўлиб, бу беморлар дипперлар гуруҳига киритилди. Тадқиқот натижалари, клиник амалиётга ноинвазив ва бажарилиши қулай бўлган тузга таъм сезувчанлиги бўсағасини аниқлаш синамасини киритиш ва тузга таъм сезувчанлигининг юқори бўсағасининг тонгги АБ кўтарилиши билан кечадиган юрак-қон томир асоратларнинг юқори хавфини аниқлаш имкони борлигини асослади