Журналнинг аввалги сонларида ўзининг долзарб мавзудаги мақолалари билан фаол қатнашиб келаётган мутахассис бу сафар ўқиш ва ўқитиш жараёнларининг психологик хусусиятларини ўрганиш бўйича Н.А. Рубакиннинг библиопсихология концепциясида келтирилган китобхон ва китоб ўртасидаги ўзаро муносабатлар моҳиятининг илмий асослари, кутубхонанинг ижтимоий институт сифатида ривожланишининг аҳамияти, ўзаро муносабатларнинг ижтимоий механизмини ривожлантириш бўйича тўплаган тажрибалари ҳақида сўз юритади. Мақолада библиопсихология фанининг ривожланишига оид В. Беспаловий, В. Бородин, К. Воробёва, А. Евтюхина, А. Казантцев, В. Колтцов, Ю. Сорокин, Ю. Столяров каби кўплаб тажрибали кутубхоначиларнинг тадқиқотлари асосида библиопсихологиянинг назарий ва илмий-амалий қоидаларини ишлаб чиқиш билан боғлиқ тадқиқотлар долзарблиги, ўқиш фаолиятининг типологик моделини такомиллаштириш зарурати бўйича кутубхоналар олдида турган вазифалар хусусида методик тавсиялар келтирилган.