Мақолада инсоният тарихида кутубхоналарнинг пайдо бўлиш давридан Ислом дунёси ва замонавий кутубхоналар тарихига қадар чексиз ўрганиш мумкин бўлган жуда катта маълумотлар қамраб олинган. Ёзувнинг пайдо бўлиши тарихидан, қўлёзмалар ва китобларнинг пайдо бўлишигача, Папируснинг пайдо бўлишидан бошлаб қоғознинг яратилишига қадар бўлган тарихий тараққиёт аниқ манбалар асосида таҳлил қилинган ва ёритилган. Шунингдек, муаллиф қадимги Оссурия подшоси ҳамда ёзма ёдгорликларни тўпловчи сифатида тарихда қолган Ашурбанипалнинг шахсий кутубхонаси ҳамда қадимда энг катта кутубхона бўлмиш Искандария кутубхонасида сақланган 400 мингдан 800 мингтагача папирус варақалари ҳақидаги қимматли маълумотларни келтирган.