Мақолада маънавий ва мафкуравий таҳдидлар ҳамда курашларга таъриф берилган. Ундан ташқари, ушбу курашлар даври муаллиф томонидан босқичларга бўлиб ўрганилган. Жумладан, биринчи босқичда – шўро даврида динимиз ва қадриятларимизнинг оёқ ости қилиниши, қадамжоларимиз вайрон этилиши, диний китобларнинг йўқ қилиниши билан мафкуримизга берилган зарбалар таҳлил қилинган бўлса, иккинчи босқичда, салкам бир аср мобайнида халқимиз онгига сингдириб келинган атеистик ғоя таъсирида миллат онгида диний саводсизликнинг вужудга келиши, миллат келажаги хавф остида қолган бир пайтда унинг асоратларига қарши олиб борилган курашлар хусусида сўз борган. Яъни, онгида дин тушунчаси тўлиқ шаклланмаган, бироқ ислом оятларини осонликча қабул қилган аҳоли қатламидан диний экстремик ёт ғоя вакиллари ғаразли мақсадларда фойдаланиш ҳолатлари учради. Ушбу давр давлат ва миллат учун жиддий хавфни олиб келди. Учинчи босқич замонавий таҳдидларга қарши олиб борилаётган курашлар даври бўлиб, бугунги ахборот-технологиялари асрида интернет тармоқлари орқали тарқатиладиган хавфли иллатлар таъсири ниҳоятда кенг. Мақолада давлат ва миллат хавфсизлигига жиддий хавф солаётган ушбу иллатлар ҳамда унинг олдини олиш йўллари хусусида сўз борган. Яъни замонавий технологияларнинг шахс, давлат ва жамият хавфсизлигига таъсири ва уларга қарши кураш йўллари келтириб ўтилган