Мақолада ўзбек халқининг турли миллатлар билан биргаликда яшаб, асрлар давомида шаклланиб келган миллий менталитети асосида аждодлар томонидан яратилган санъат асарларини авлодларга етказиб беришда ўзининг фалсафий-эстетик моҳиятини намоён этиши ёритилган. Миллат тафаккурида аждодлар томонидан яратилган санъат асарлари, жумладан, мусиқа, адабиёт, рассомчилик, тасвирий санъат, халқ амалий безак санъати ва бошқаларнинг юксак фалсафий тафаккур ривожида жамиятда миллатлараро тотувликни таъминлашдаги роли кўрсатилган. Унда ижтимоий ҳаётнинг барча жабҳаларида миллатлараро тотувликни мустаҳкамлашга қаратилган, турли миллатларнинг манфаатларини ҳимоялайдиган барқарор тараққиёт ҳамда юрт тинчлигига хизмат қиладиган миллатларнинг маданияти, миллий қадриятлари, анъана ва удумлари асосида замонавий ўзбек санъат асарлари яратилиши ифодаланган. Шунингдек, жамият тараққиёти учун муҳим бўлган Ҳаракатлар стратегиясининг моҳияти, унда акс этган устувор йўналиш хавфсизликни таъминлаш, миллатлараро тотувликни таъминлаш масалалари, диний бағрикенглик тамойилининг ташқи сиёсатдаги ўрни очиб берилган. Мақолада ёшларимизни барча соҳаларда фаол бўлишларига чорловчи санъатга бўлган қизиқишни кучайтириш ўртага ташланади. Президентимиз томонидан илгари сурилган 5 ташаббуснинг биринчи бўлган адабиёт, рассомлик, мусиқа, театр ва санъатнинг бир қатор турларига ёшларни қизиқишини кучайтириш масаласи таҳлил этилган. Ушбу ташаббус доирасида ёшларни халқ амалий санъати намуналари, ўзбек маданияти билан таништириш, уларнинг борлиғида адабиёт ва санъатга меҳр-муҳаббатни кучайтириш, турли театр саҳна асарлари, ҳужжатли ва кинофильмларни кўпайтириш, юртимизнинг музейларига, санъат кўргазмаларига доимий равишда ташрифларни ташкил этиш муҳим ижтимоий-фалсафий аҳамият касб этиши акс этган. Ўзбекистонда миллатлараро тотувликни таъминлашда, санъат асарлари яратишда инсонлар ўртасида бўладиган инсонпарварлик, меҳр-муҳаббат ва эстетик муносабатларда яққол намоён бўлиши, турли миллатлар, элатларнинг маънавияти ва санъати ҳақида ижобий таассуротларни миллий ғоя руҳида камол топтириш юртимиз келажагига хизмат қилиши тадқиқ этилган