Тадқиқотнинг мақсади узоқ анамнезли бронхиал астмали беморларда эндотелиал дисфункцияни тиклашни касалликни клинико иммунологик кўрсатгичларига таъсирини ўрганиш эди. Енгил ва ўрта оғир кечувчи, касаллик давомийлиги 12 йилдан ортиқ бронхиал астмага чалинган 90 бемор текширилган. Беморлар икки гурухга ажратил- ганлар. Асосий гурух беморлари стандарт давога қўшимча азот оксиди донаторини - L-аргинин қабул қилишган. Солиштирилаётган гурух фақат стандарт даво олган. Қўшимча равишда 15 та соғлом инсонлар текширилган. Узоқ давом этаётган персистирловчи бронхиал астмада базис давога қўшимча равишда азот оксидини қўллаш, қисқа муддатда ва ишонарли равишда иммунологик кўрсатгичларни яхшиланишига олиб келади. Патогенетик даво фо- нида L-аргинин препаратини қўллаганда эндотелиал тизим кўрсатгичларини мусбат динамикаси кузатилади.