Муаллиф мақолада ЮНЕСКОнинг ноёб архив ҳужжатлари ва кутубхоналардаги нодир қўлёзмаларнинг «Жаҳон хотираси» маданий мерослар дастурига киритилиши ҳақида фикр юритади. 2016 – 2017 йилларга мўлжалланган ушбу дастурда халқаро реестр номинациясига дунёнинг турли мамлакатларидан 130 та талабнома топширилган ва улардан 78 таси янги номинация учун танлаб олинган. Улардан бири Ўзархив агентлиги фондида сақланаётган «Хива хонлиги девонхонаси» ҳужжатларидир. Ушбу ҳужжатларнинг эътиборли жиҳати бутун Марказий Осиё ҳудудидаги халқларнинг тарихий, ижтимоий ва иқтисодий ўрнини белгилаб беришда муҳим аҳамиятга эгадир.