Муаллиф мақолада Грузиядаги Миллий қўлёзмалар марказининг ҳозирги кундаги фаолияти хусусида ҳикоя қилади. Дастлаб 1958 йилда илк бор илмий тадқиқот институти сифатида фаолиятини бошлаган бўлса, бугунги кунга келиб қўлёзмаларнинг қимматлилиги билан ажралиб туради. Қўлёзмалар маркази 10 мингдан ортиқ ўрта асрлардаги Грузин китоблари, 40 мингдан зиёд Грузин тарихий ҳужжатлари ва 5 мингга яқин хорижий тиллардаги қўлёзмаларни сақлаш ва тадқиқ қилиш бўлимларига ажратилган. Қадимги қўлёзмалар сирасига эрамиздан аввалги III асрга тааллуқли 250 та ҳужжат папирус қоғозларида сақланаётган ёзувлар билан бойитилган. Марказ фондидаги қўлёзма манбаларни кодиология ва манбашунос олимлар томонидан чуқур ўрганиш ишлари олиб борилмоқда