Мазкур мақола қадимги Бухоро шаҳрининг муқаддас обидалари ва зиёратгоҳлари ҳақида ёзилган манбалар хусусида боради. Бухорода ислом цивилизациясининг маданиймаърифий маркази сифатида кўплаб тарихчи олимлар, географлар ва улуғ алломалар етишиб чиққан. Бу ерга ташриф буюрган маҳаллий ва хорижий сайёҳларга қулайлик яратиш мақсадида тарихчилар томонидан шаҳарнинг муқаддас жойларига йўлбошловчи кўрсатмалар ва асарлар яратилган. Шундай асарлардан бири XV асрда ёзилган «Тарихи Муллазода» китобидир. У тарихчи олим Аҳмад ибн Маҳмуд томонидан яратилган.