Тадқиқотимизнинг мақсади ревматоид артрит билан хасталанган беморларда респиратор тизим бузилишларини унинг клиник-функционал хусусиятларига ва даво турига қараб баҳолаш ва самарали даво бўйича таклифлар ишлаб чиқиш. Ревматоид артритда респиратор силжишларнинг клиник-функционал хусусиятлари ўрганилди. Ревматоид артритда бронх ўпка ўтказувчанлигини мониторингли текшириб, нафас аъзоларида клиник-иммунологик белгилар билан ўзаро боғлиқликда ўрганиб чиқилди. Ревматоид артритдаги респиратор силжишларни эрта аниқлаш мақсадида беморларни текширишда қўллаш учун қулай бўлган текшириш усулларини киритиш тавсия этилди. Олинган натижалар ревматоид артритли беморларни текшириш ва даволашни мукаммал олиб бориш, уларни даволаш муассасаларида кенг қўллаш мумкинлигини кўрсатади. Калит сўзлар: ревматоид артрит, диагностика, пикфлуометрия, спирометрия