Хозирги кунда сурункали буйрак касаллиги (СБК) эпидемик маcштабга эга бўлмоқда. Бутун дунёда 10% ахоли СБК билан касалланган. СБК асосида кенг спектрли бузилишлар (қандли диабет, артериал гипертензия, гломерулонефрит) ётади. СБКни этиологик давоси чегараланганлиги боис, биринчи навбатда турли патогенетик механизмга таьсир этувчи даво чоралари ахамиятлидир. Патогенетик давони асосий компоненти бўлиб антиагрегант даво хисобланади. Бундай даво қонни коагуляцион хусусиятларини, коптокча фильтрациясини яхшилаб, касаллик ривожланишини секинлаштиради. Шу боисдан даволашда замонавий антиагрегант воситалар, яъни уларга кирувчи «трифлузал» бўйича турли тажриба ва текширувлар мухим ахамиятга эга. Бугунги кунда антиагрегант восита сифатида «трифлузал»ни СБК III босқичида қўллаш самарадорлиги тўғрисида маьлум хажмдаги тасдиқланган маьлумотлар бўлмагани боис, илмий текширувни актуаллигини ташкил этади. Калит сўзлар: Сурункали буйрак касаллиги, трифлузал, қонни коагуляцияси, буйраклар гемостази.