Мазкур мақолада минтақада маданий-маърифий, илмий ва ахборот муассасаси бўлиб фаолият юритиш билан бирга, кутубхонашунослик ва библиография бўйича илмий ва услубий марказ сифатида алоҳида аҳамиятга эга бўлган Донецк марказий илмий кутубхонаси ҳақида сўз боради. Шунингдек, 2012–2013 йилларда кутубхонанинг ривожланиш динамикасининг қиёсий таҳлили ва 2017–2018 йилларда кутубхонада яратилган янги тизимнинг тавсифи, қулайликлари, ўзига хос устунликларига эътибор қаратилади. Муаллиф ҳукумат томонидан кутубхоналар имконияти сифат жиҳатдан янги босқичга кўтарилганлигини эътироф этади. Кутубхонашунослик соҳасидаги ягона давлат сиёсатини ишлаб чиқиш ва амалга оширишда, соҳавий қонунчилик ташаббусларини шакллантириш ҳамда ривожлантиришда бевосита кутубхонашуносларнинг иштирокини таъминлашнинг аҳамияти ҳақида ўз фикрлари билан ўртоқлашади.