Мазкур мақолада таниқли библиограф Э. K. Бедгер томонидан «Кутубхонашуносликнинг буюк билимдони» деган таърифга сазовор бўлган, Санкт-Петербург университетида таълим олган, Верний шаҳридаги (ҳозирги Олмаота) гимназияда ўқиб юрган кезлари иқтидорли китобсевар сифатида Туркистон библиографиясига қизиқиш уйғотган ва Туркистон ўлкасида ҳарбий хизматни ўташ давомида Самарқанд ҳарбий комиссариятининг йирик кутубхонасини бошқарган ва кейинчалик шахсий ташаббуси билан Ўратепа шаҳрида кутубхона ташкил этган Николай Аполлонович Буров ҳақидаги маълумотлар билан танишишингиз мумкин. Н.А. Буров 1911 йилда ҳарбий хизматдан истеъфога чиққандан кейин библографик ишини тўхтатмасдан босмахона соҳасида фаолият олиб боради. 1918 йил май ойидан у Туркистон оммавий кутубхонасида Туркистон бўлимини бошқара бошлайди.