ДИСПЕРС ТЎЛДИРУВЧИЛАР БИЛАН ТЎЛДИРИЛГАН ПОЛИЭТИЛЕННИНГ ТУЗИЛИШИ ВА ХОССАЛАРИ

Муаммонинг келиб чиқиши. Саноатда кўп ишлаб чиқариладиган ва талаб катта бўлган полимерлар бу полиолефинлар (ПО) ҳисобланади. Шунинг учун, полилефинларни қайта ишлашни ва улар асосида композицион материаллар яратишни соддалаштиришга йўналтирилган техник ечимларни излаш долзарб вазифалардан ҳисобланади. Ишнинг мақсади сунъий кристалланиш куртаклари бўлиб ҳизмат қиладиган тўлдирувчилар киритиш билан (физик, механик, кимёвий, электр, магнит, оптик ва ҳ.к.) хоссалари яхшиланган полиэтилен (ПЭ) асосида термопластик композицион материаллар (КМ) яратишнинг имкониятини ўрганишдан иборат. Методология. Юқори даражада тўлдирилган полиэтилен композицияларининг физик-механик хоссалари ўрганилди, оқувчанлик кўрсаткичи визкзометрия усулида, эгилишга чидамлилик иккиасосли эгилиш усулида, зарбга чидамлилик Шарпи усули бўйича аниқланди. Илмий янгилиги. Дисперс тўлдирувчилар ва ПБПЭ маркали полиэтилен (паст босимли полиэтилен) асосида композицион материалларнинг реологик таснифлари аниқланди. Олинган натижалар. Паст босимли полиэтилендан композицион материаллар олиш учун базальт ва вермикулитнинг миқдори 30 дан 50 масса қисмгача ўзгартирилди. Олинган композицион материалларнинг реологик хоссалари шуни кўрсатдики, базальт ва вермикуоит миқдорининг ортиши материал оқувчанлик хусусиятининг камайишига олиб келади, бироқ олинган композициялар паст босим остида қайта ишланиши мумкин.Олинган материалларнинг ёниш хоссалари кислород индекси бўйича аниқланди. Калит сўзлар: полиэтилен, базальт, вермикулит, Асмансой кони, Тебинбулоқ кони, физиккимёвий ва механик хоссалар. Хусусиятлари: - олинган композицион материалларнинг физик – механик хоссалари аниқланди; - базальт ва вермикулит тўлдирувчилардан фойдаланилди.