Мақола муаллифи Олмония давлатида кутубхонашунослик мутахассисларини тайёрлашда ўқув тизимлари бўйича ўз фикр ва мулоҳазалари билдирган. Олмонияда кутубхоначилик касби биринчи маротаба мустақил касб сифатида 1893 йилда Пруссия ҳукумати қарори билан ташкил этилган бўлиб, кейинчалик у Баварияда ҳам амалга оширилган. Ўтган бир аср вақт давомида кутубхоначилик бошқа давлат хизматчилари қаторида нуфузли касб сифатида эътибор қозонган. Кутубхоначи мутахассислар катта кутубхоналарда профессионал фаолияти билан шуғулланишларида асосан академик йўналишлар бўйича тўрт босқичли, турли даражадаги ўқув курсларида ўз билим ва кўникмаларини таркиб топтиришади.