Мақолада муаллиф республикамизнинг етакчи илмий маркази – Бухоро давлат бадиий-меъморчилик музей-қўриқхонаси фондида сақланаётган тасаввуф олими Муҳаммад Хўжа Порсо томонидан форс тилида ёзилган сўфизмга оид энг нодир қўлёзма – «Фасл ал-хитоб» китоби ҳақида фикр юритади. Ушбу китоб Муҳаммад Хўжа Порсонинг сўфизм тўғрисидаги энг тўлиқ энциклопедик асари ҳисобланади. Унда мусулмон диний ақидалари, диний расм-русумлар ва бошқа кўплаб масалалар ёритилганлиги тўғрисида маълумот беради.