Бухоро тарихи олис даврлар, адоғи йўқ афсоналарга туташ сирли бир оламдир. Бухоро ва унинг дунё тамаддунига қўшган ҳиссаси эса чексиздир. Юртимизнинг шу гўшасида улғайиб вояга етган ва дунё илм-фанига катта ҳисса қўшган улуғ сиймоларимимизнинг номини келтиришимизнинг ўзидаёқ бу ўлка нақадар муқаддас, нуқадар суюк эканлигидан далолат беради. Мақола муаллифи Зевара Салимова шу улуғ ва сирли тарих сафларида китоб, китобат ва кутубхоналарнинг ўрни нечоғлик муҳим бўлганлиги ҳақида турли, бир-биридан қимматли фикрлар билдиради. Бу китобларнинг аксарияти ҳозирги кунгача етиб келганлиги ва алоҳида эътиборда сақланаётганлиги эса қувонарли ҳолдир