Ҳазрат Алишер Навоий ижоди улкан, кенг денгизга ўхшайди. Унинг сарҳадларини аниқлайдиган, унинг сиғимини ўлчайдиган бирон-бир асбоб йўқ. Унинг ижодини қанча ўргансанг кам. Профессор Саидбек Ҳасанов ҳам шу йўлда изланаётган олимлардан. Олим Ўзбекистон Фанлар академиясининг Алишер Навоий номидаги Давлат Адабиёт музейи фаолият юритмоқда. Бу улуғ масканнинг тақдири ҳам улуғ шоирнинг номи билан боғлиқ. Мазкур музей 1968 йили Ҳазрат Алишер Навоийнинг 525 йиллик юбилейи муносабати билан ташкил этилган. У шу чоққача халқимизнинг кўп асрлик адабий меросини жамлаш, уни муҳофаза қилиш, тарғиб этиш ва тадқиқ қилишда катта ишларни амалга ошириб келмоқда. Ўтган давр давомида музейнинг XV – XX аср адабиёти тарихини намойиш этувчи бой экспозицияси яратилган бўлиб, кенг адабий тарихимизнинг ноёб дурдоналари, Ўрта Осиё маданияти ва санъатининг бадиий намуналари – китоб, тасвирий санъат, хаттотлик, наққошлик, мусиқа ва меъморчилик асарлари сақланади. Бундай кенг имкониятлар Алишер Навоий ижодини ўрганувчилар учун ҳам муҳимлиги билан аҳамиятлидир. Олим ўз мақоласида узоқ йиллар давомида олиб борган изланишлари билан сизни таништиради, қимматли маълумотлар келтиради