“Bola va zamon” журнали қуйидаги илмий йўналишлар бўйича ўзбек ва рус тилларида тайёрланган оригинал илмий мақолаларни кўриб чиқиш учун қабул қилади:

педагогика;
психология;
ҳуқуқшунослик.

Тақдим этилаётган қўлёзма журнал тматикасига мос бўлиши, илмий янгиликка эга бўлиши, муаллиф (лар)нинг мустақил тадқиқоти натижаларини акс эттириши, асосланган хулосаларни ўз ичига олиши ҳамда илгари чоп этилмаган ёки айни пайтда бошқа илмий нашрда кўриб чиқиш учун тақдим этилмаган бўлиши зарур.

I. Илмий мақоланинг тузилиши

Мақола қуйидаги мажбурий таркибий қисмларни ўз ичига олиши керак:

1. Мақола сарлавҳаси – тадқиқот мазмунини аниқ акс эттириши лозим.

2. Муаллиф (лар) ҳақида маълумотлар: фамилияси, исми, шарифи; иш жойи; лавозими; илмий даражаси ва илмий унвони (мавжуд бўлса); муаллиф идентификаторлари (ORCID, ResearcherID, Scopus Author ID, Science ID – Ўзбекистон Республикаси тадқиқотчисининг идентификация рақами).

3. Аннотация – 100-150 та сўз ҳажмида уч тилда: ўзбек, рус ва инглиз тилларида тақдим этилади. Аннотацияда тадқиқотнинг мақсади, қўлланилган усуллар, асосий натижалар ва хулосалар қисқача баён қилиниши лозим. Аввало мақола ёзилган тилдаги аннотация, сўнгра қолган икки тилдаги аннотациялар келтирилади.

4. Калит сўзлар – мақола ёзилган тилда 7-10 та калит сўз берилиши лозим. Улар тадқиқотнинг асосий мазмунини акс эттириши зарур.

5. Мақоланинг асосий матни қуйидаги бўлимлардан иборат бўлиши лозим:

Кириш – муаммонинг қўйилиши, тадқиқотнинг долзарблиги, мақсад ва вазифалари.
Тадқиқот методлари – қўлланилган тадқиқот усуллари ва материалларининг тавсифи.
Тадқиқот натижалари – олинган асосий илмий натижалар.
Муҳокама – тадқиқот натижаларини таҳлил қилиш ва шарҳлаш, уларни бошқа тадқиқотлар натижалари билан таққослаш.
Хулоса – тадқиқотнинг асосий хулосалари ҳамда унинг амалий аҳамияти.

6. Фойдаланилган адабиётлар рўйхати – журнал талабларига мувофиқ расмийлаштирилган бўлиши лозим.

II. Расмийлаштиришга қўйиладиган талаблар

мақола ҳажми – А4 форматида 5-7 бет;
шрифт – Times New Roman, ўлчами – 14 pt;
қаторлар оралиғи – 1,0;
абзац (хатбоши) чегараси – 0,5 см;
саҳифанинг барча томонларидан майдонлар – 20 мм.

Мақоланинг биринчи саҳифада муаллиф (лар) ҳақидаги маълумотлар келтирилади, шундан сўнг мақола сарлавҳаси, калит сўзлар, аннотация ва асосий матн жойлаштирилади.

Барча иқтибослар ва фойдаланилган материаллар тегишли манбаларга ҳаволалар билан расмийлаштирилиши шарт. Матн ичидаги ҳаволалар квадрат қавсларда, масалан, [1] кўринишида берилади. Фойдаланилган адабиётлар рўйхатига фақат мақолани тайёрлаш жараёнида фойдаланилган манбалар киритилади.

Жадваллар, расмлар ҳамда бошқа иллюстратив материаллар номланиши, тартиб рақамига эга бўлиши ва мақола матнида уларга ҳаволалар келтирилиши лозим.

III. Нашр этиш этикаси

Қўлёзма журналнинг нашр этиш этикаси талабларига тўлиқ мувофиқ бўлиши шарт. Плагиат, маълумотларни сохталаштириш ёки қалбакилаштириш, шунингдек, нашр этиш соҳасидаги бошқа адолатсиз амалиётларга йўл қўйилмайди.

IV. Қўлёзмани кўриб чиқиш тартиби

Таҳририятга келиб тушган барча мақолалар журнал тематикасига ҳамда белгиланган расмийлаштириш талабларига мувофиқлиги юзасидан бирламчи таҳририй текширувдан ўтказилади.

Дастлабки текширувдан муваффақиятли ўтган қўлёзмалар илмий тақриз (эксперт баҳолаш) га юборилади. Мақолани нашр этиш тўғрисидаги якуний қарор тақриз натижаларига асосан таҳрир ҳайъати томонидан қабул қилинади.

Агар мақола журнал талабларига жавоб бермаса, таҳририят қўлёзмани қайта ишлаш учун муаллифга қайтариш ёки уни нашр қилишни рад этиш ҳуқуқига эга.

V. Муаллифнинг масъулияти

Муаллиф(лар) тақдим этилган фактлар, тадқиқот натижалари, статистик маълумотлар, иқтибослар ва библиографик маълумотларнинг ишончлилиги, шунингдек, муаллифлик ҳуқуқларига ҳамда нашр этиш этикаси талабларига риоя қилиниши учун тўлиқ жавобгар ҳисобланади.

VI. Нашр учун тўлов

Мақола нашрга қабул қилингач, муаллиф таҳрир ҳайъатининг 2022-йил 8-июлдаги 42-сонли қарорига мувофиқ 500 000 (беш юз минг) сўм миқдоридаги нашр (босмахона) харажатларини тўлайди.

Тўлов амалга оширилганлигини тасдиқлаш учун таҳририятга пул маблағлари ўтказилганлигини тасдиқловчи ҳужжат тақдим этилади.

Мақола таҳририят томонидан белгиланган барча талаблар бажарилганидан, шунингдек, нашр (босмахона) харажатлари тўланганидан сўнг нашр этилади.

“Bola va zamon” jurnalida nashr etish uchun ilmiy maqolalar tayyorlashga qo‘yiladigan

TALABLAR

“Bola va zamon” jurnali quyidagi ilmiy yo‘nalishlar bo‘yicha o‘zbek va rus tillarida tayyorlangan original ilmiy maqolalarni ko‘rib chiqish uchun qabul qiladi:

pedagogika;
psixologiya;
huquqshunoslik.

Taqdim etilayotgan qo‘lyozma jurnal tmatikasiga mos bo‘lishi, ilmiy yangilikka ega bo‘lishi, muallif (lar)ning mustaqil tadqiqoti natijalarini aks ettirishi, asoslangan xulosalarni o‘z ichiga olishi hamda ilgari chop etilmagan yoki ayni paytda boshqa ilmiy nashrda ko‘rib chiqish uchun taqdim etilmagan bo‘lishi zarur.

I. Ilmiy maqolaning tuzilishi

Maqola quyidagi majburiy tarkibiy qismlarni o‘z ichiga olishi kerak:

1. Maqola sarlavhasi – tadqiqot mazmunini aniq aks ettirishi lozim.

2. Muallif(lar) haqida ma’lumotlar: familiyasi, ismi, sharifi; ish joyi; lavozimi; ilmiy darajasi va ilmiy unvoni (mavjud bo‘lsa); muallif identifikatorlari (ORCID, ResearcherID, Scopus Author ID, Science ID – O‘zbekiston Respublikasi tadqiqotchisining identifikatsiya raqami).

3. Annotatsiya – 100-150 ta so‘z hajmida uch tilda: o‘zbek, rus va ingliz tillarida taqdim etiladi. Annotatsiyada tadqiqotning maqsadi, qo‘llanilgan usullar, asosiy natijalar va xulosalar qisqacha bayon qilinishi lozim. Avvalo maqola yozilgan tildagi annotatsiya, so‘ngra qolgan ikki tildagi annotatsiyalar keltiriladi.

4. Kalit so‘zlar – maqola yozilgan tilda 7-10 ta kalit so‘z berilishi lozim. Ular tadqiqotning asosiy mazmunini aks ettirishi zarur.

5. Maqolaning asosiy matni quyidagi bo‘limlardan iborat bo‘lishi lozim:

Kirish – muammoning qo‘yilishi, tadqiqotning dolzarbligi, maqsad va vazifalari.
Tadqiqot metodlari – tadqiqotda qo‘llanilgan usullar va materiallarning tavsifi.
Tadqiqot natijalari – olingan asosiy ilmiy natijalar.
Muhokama – tadqiqot natijalarini tahlil qilish va sharhlash, ularni boshqa tadqiqotlar natijalari bilan taqqoslash.
Xulosa – tadqiqotning asosiy xulosalari hamda uning amaliy ahamiyati.

6. Foydalanilgan adabiyotlar ro‘yxati – jurnal talablariga muvofiq rasmiylashtirilgan bo‘lishi lozim.

II. Rasmiylashtirishga qo‘yiladigan talablar

maqola hajmi – A4 formatida 5-7 bet;
shrift – Times New Roman, o‘lchami – 14 pt;
qatorlar oralig‘i – 1,0;
abzats (xatboshi) chegarasi – 0,5 sm;
sahifaning barcha tomonlaridan maydonlar – 20 mm.

Maqolaning birinchi sahifada muallif(lar) haqidagi ma’lumotlar keltiriladi, shundan so‘ng maqola sarlavhasi, kalit so‘zlar, annotatsiya va asosiy matn joylashtiriladi.

Barcha iqtiboslar va foydalanilgan materiallar tegishli manbalarga havolalar bilan rasmiylashtirilishi shart. Matn ichidagi havolalar kvadrat qavslarda, masalan, [1] ko‘rinishida beriladi. Foydalanilgan adabiyotlar ro‘yxatiga faqat maqolani tayyorlash jarayonida foydalanilgan manbalar kiritiladi.

Jadvallar, rasmlar hamda boshqa illyustrativ materiallar nomlanishi, tartib raqamiga ega bo‘lishi va maqola matnida ularga havolalar keltirilishi lozim.

III. Nashr etish etikasi

Qo‘lyozma jurnalning nashr etish etikasi talablariga to‘liq muvofiq bo‘lishi shart. Plagiat, ma’lumotlarni soxtalashtirish yoki qalbakilashtirish, shuningdek, nashr etish sohasidagi boshqa adolatsiz amaliyotlarga yo‘l qo‘yilmaydi.

IV. Qo‘lyozmani ko‘rib chiqish tartibi

Tahririyatga kelib tushgan barcha maqolalar jurnal tematikasiga hamda belgilangan rasmiylashtirish talablariga muvofiqligi yuzasidan birlamchii tahririy tekshiruvdan o‘tkaziladi.

Dastlabki tekshiruvdan muvaffaqiyatli o‘tgan qo‘lyozmalar ilmiy taqriz (ekspert baholash) ga yuboriladi. Maqolani nashr etish to‘g‘risidagi yakuniy qaror taqriz natijalariga asosan tahrir hay’ati tomonidan qabul qilinadi.

Agar maqola jurnal talablariga javob bermasa, tahririyat qo‘lyozmani qayta ishlash uchun muallifga qaytarish yoki uni nashr qilishni rad etish huquqiga ega.

V. Muallifning mas’uliyati

Muallif (lar) taqdim etilgan faktlar, tadqiqot natijalari, statistik ma’lumotlar, iqtiboslar va bibliografik ma’lumotlarning ishonchliligi, shuningdek, mualliflik huquqlariga hamda nashr etish etikasi talablariga rioya qilinishi uchun to‘liq javobgar hisoblanadi.

VI. Nashr uchun to‘lov

Maqola nashrga qabul qilingach, muallif tahrir hay’atining 2022-yil 8-iyuldagi 42-sonli qaroriga muvofiq 500 000 (besh yuz ming) so‘m miqdoridagi nashr (bosmaxona) xarajatlarini to‘laydi.

To‘lov amalga oshirilganligini tasdiqlash uchun tahririyatga pul mablag‘lari o‘tkazilganligini tasdiqlovchi hujjat taqdim etiladi.

Maqola tahririyat tomonidan belgilangan barcha talablar bajarilganidan, shuningdek, nashr (bosmaxona) xarajatlari to‘langanidan so‘ng nashr etiladi.

2/2020

Tegishli maqolalar

Maqolalar topilmadi