343

  • Web Address
  • DOI
  • Date of creation in the UzSCI system 12-06-2020
  • Read count 335
  • Date of publication 24-04-2020
  • Main LanguageRus
  • Pages198-202
Tags
Ўзбек

Дунё  буйича  кўкрак  бези  саратони  онкологик 
касалликлар  ичида  ўпка  саратонидан  кейин  иккинчи  ўринда  туради.  2018 
йилда  2  миллиондан  зиёд  янги  ҳолатлар  рўйхатга  олинган.  Онкологик 
касалликлар  муаммосининг  долзарблиги  ижтимоий,  иқтисодий  ва 
эпидемиологик кўрсаткичлар мажмуаси билан белгиланади. 
Дунё  миқёсида  тарқалган  онкологик  хасталиклар  ичида  аёллар 
ўртасида  кенг  тарқалган  кўкрак  бези  саратони  энг  долзарб  муаммолардан 
бири  бўлиб  қолмоқда.  Кўкрак  бези  саратони  касаллиги  минглаб  одамлар 
ҳаётини  хавф  остига  қўядиган  хавфли  касалликдир.  Ҳар  йили  55  мингдан 
зиёд  аёллар  ушбу  даҳшатли  ташхисни  эшитадилар.  Статистик 
маълумотларга  кўра,  бутун  дунё  бўйича  ҳар  ўнинчи  аёл  кўкрак  бези саратони  билан  хасталанар  экан.  Бир  йилда  ушбу  хасталик  туфайли  1,5 
миллиондан ортиқ аёл вафот этади [1,2,5,6]. 
Кўкрак  бези  саратони  келиб  чиқиши  ёши  катталар  орасида  гормонал 
ҳолатнинг ўзгариши билан боғлиқликни олимлар исботлашган. 2008 ва 2010 
йиллар оралиғида олиб борилган тадқиқотлар 65 ёш ва ундан юқори бўлган 
аёлларда орасида кўкрак бези саратонинг учраши жами касалланганларнинг 
ўртача 45% ташкил қилган.  
Кўкрак  бези  саратони  бутун  дунёдаги  аёллар  орасида  энг  кўп 
учрайдиган  онкологик  касалликдир  ва  бу  аёллар  орасида  барча  саратон 
касалликларининг  16%  ни  ташкил  этади.  2004  йилда  кўкрак  бези 
саратонидан  тахминан  519  минг  аёл  ҳалок  бўлди  ва  кўкрак  бези  саратони 
ривожланган мамлакатлар касаллиги бўлганлигига қарамасдан, кўкрак бези 
саратони  билан  касалланганларнинг  кўпчилиги  (69%)  ривожланаётган 
мамлакатларга тўғри келади.  
ХХ  асрнинг  сўнгги  учинчи  даври  оммавий  касалликларга  қарши 
курашда  муайян  муваффақиятларга  эришилганлиги  билан  характерланади. 
Шуни  таъкидлаш  керак-ки,  бугунги  кунда,  турли  касалликларга  қарши 
кураш учун олиб бориладиган юқори самарага эга чора-тадбирлар ва саъй-
ҳаракатларга  қарамай,  онкологик  касалликлар  камайиш  ўрнига  балки, 
уларнинг ошиб бориши кузатилмоқда [3,4,8].  
Ўзбекистон  миқёсида  кўкрак  бези  саратони  онкологик  касалликлар 
орасида биринчи ўринни эгаллаб турибди, афсуски, касаллар сони йилдан-
йилга  ортиб  бормоқда.  2001  йилдан  2010  йилгача  Ўзбекистон 
Республикасида  кўкрак  бези  саратони  билан  касалланган  18671  та  ҳолат 
қайд  этилди.  2010  йилдада  рўйхатга  олинган  ҳолатлар  мутлоқ  сони  2001 
йилга нисбатан 1,5 марта кўпайган [7]. 
Бутун  дунё  бўйича  тарқалиши  давом  этаётган  онкологик  касалликлар 
ҳозирги кунда замонамизнинг энг жиддий, долзарб муаммоси ҳисобланади.  
Амалга  оширилган  тадқиқотларда  Ўзбекистон  Республикасида  кўкрак 
бези саратони билан касалланишнинг ретроспектив эпидемиологик таҳлили, 
хавфли  гуруҳлар  орасида  тарқалганлиги,  эпидемиологик  назорат  ва 
профилактикасини  такомиллаштириш  йўлларини  ишлаб  чиқиш  бўйича 
эпидемиологик  таҳлил  натижаларига  илмий  асосланган  ҳолда  амалий 
тавсиялар тўлиқ берилмаган. 
Юқорида  баён  этилган  маълумотлар  онкологик  касалликлар,  хусусан 
кўкрак бези саротони касаллигининг эпидемиологик хусусиятларини чуқур 
ўрганиш,  ушбу  хасталикка  қарши  кураш  бўйича  тадбирлар  тизимида 
улардан  мақсадли  фойдаланишга  йўналтирилган  изланишларни  ўтказиш 
зарурлигини талаб этади.  
Онкологик  касалликлар,  жумладан  кўкрак  бези  саротони  касаллиги 
билан  курашиш  муаммоси  ҳали  ҳануз  соғлиқни  сақлаш  тизимида  долзарб 
муаммо бўлиб қолмоқда.

№ Name of reference
1 1. Архипова И. В. Психогенные факторы и рак молочной железы / И. В. Архипова, Н. П. Кокорина, Ю. А. Магарилл // Актуальные проблемы рака молочной железы. Вып. VII. - Кемерово, 2003. - С. 7-8. 2. Быкова Н. А. Проблема рака молочной железы в г. Бийске / Н. А. Быкова, Л. М. Матвеева // Актуальные проблемы рака молочной железы. Вып. VII. - Кемерово, 2003. - С. 22-24. 3. Давыдов М. И. Злокачественные новообразования в России и странах СНГ в 2000 г. / М. И. Давыдов, Е. М. Аксель. М., 2002. - 281 с. 4. Демидов, С. Д. Лисьева // Высокие технологии в онкологии: Материалы V Всероссийского съезда онкологов. Казань, 2000г. - С. 15-17. 5. Злокачественные новообразования в России в 2003 году (заболеваемость и смертность) / Под ред. В. И. Чиссова, В. В. Старинского, Г. В. Петровой. — М., 2005. — 256 с. 6. Магарилл Ю. А. Проблема рака молочной железы в Кузбассе / Ю. А. Магарилл, Н. А. Еремина // Актуальные проблемы рака молочной железы. Вып. VII. - Кемерово, 2003. - С. 3-6. 7. Мирюсупова Г.Ф. Стратификация диагностики и лечения рака молочной железы // Теоретическая и клиническая медицина, - Ташкент, 2016. - №4. - С.136-138 (14.00.00; №3). 8. E. Senkus, S. Kyriakides, S. Ohno, F. Penault-Llorca, P. Poortmans, E. Rutgers, S. Zackrisson & F. Cardoso. Primary breast cancer: ESMO Clinical Practice Guidelines for diagnosis, treatment and follow-up.// Annals of Oncology 26 (Supplement 5): v8–v30, 2015 doi:10.1093/annonc/mdv.
Waiting