"Халқаро илмий педиатрия журнали" электрон илмий-амалий тиббиёт журнали Ўзбекистонлик ва хорижий олимларнинг болалар касалликларини ташхислаш, даволаш ва олдини олишнинг илғор усулларини ишлаб чиқишга ва инновацион тиббий технологияларни ривожлантиришга қаратилган илмий изланишлар натижаларини акс эттирувчи доимий кўриб чиқиладиган электрон нашр ҳисобланади..

Нашриш мақсади: Ўзбекистон тиббиёти, хусусан, педиатрия фанининг илмий ютуқларини Республикамиз ҳудудида ва, ундан ташқарида ҳам тарғиб қилиш. "Халқаро илмий педиатрия журнали" электрон илмий-амалий тиббиёт журналида илмий ва амалий мазмундаги оригинал мақолалар, шарҳлар, маърузалар, клиник кузатишлар, ахборот материаллари чоп этилади.

"Халқаро илмий педиатрия журнали" журналида чоп этилган илмий мақолаларнинг номи ва мазмуни педиатриянинг барча йўналишлари мутахассисликлари гуруҳига мос келиши керак. Нашр қилиш учун Марказий Осиё, хусусан, Ўзбекистон Республикаси ҳудудлари биогеокимёвий хусусиятлари билан боғлиқ минтақа экопатологияси масалаларини акс эттирувчи илмий-амалий характердаги мақолаларга устувор аҳамият берилади.

Журналнинг асосий мақсадлари: Педиатрия соҳасидаги илмий-амалий ютуқлар ва билимларни умумлаштириш, турли ихтисосликдаги амалий шифокорларнинг малакасини ошириш, илмий жамоатчилик эътиборини Ўзбекистон педиатрия фанининг энг долзарб йўналишларига қаратиш. Ўзбекистонлик муаллифлар – педиатрия олимларининг халқаро илмий ҳамжамиятга интеграциялашуви, уларнинг илмий ишларининг халқаро маълумотлар базаларида индексациясини ошириш ва юқори сифатли илмий ишларни халқаро илмий ҳамжамиятда тарқатиш.

International Journal of Scientific Pediatrics

ABOUT JOURNAL

2022