Sh.Rashidov nomidagi Samarqand dSamarqand davlat universiteti nafaqat Oʻzbekistonda, jahonning koʻplab mamlakatlarida ham mashxur qadimiy va mumtoz oliy taʼlim muassasasidir. Oliy taʼlim muassasamizning rasman tashkil topishi 1927-yil bilan belgilansada, uning shakllanishi va oliy taʼlim maqomiga ega boʻlishi ilm-fan va taʼlim, sanʼat va madaniyat durdonalari, arxitektura-qurilish inshootlari bilan jahonga mashhur boʻlgan Temuriylar davri, xususan, Ulugʻbek akademiyasining boy tarixi va yutuqlari bilan uzviy bogʻliq.

Mirzo Ulugʻbek, Qozizoda Rumiy, Ali Qushchi, Gʻiyosiddin Koshiy, Alisher Navoiy, Abduraxmon Jomiy kabi buyuk avlodlarimiz Samarqandda maʼrifat va madaniyatni yuksaltirgan va jahon tamadduni tamal toshlari qoʻyganliklari, ularning boy meroslari asosida bugungi oliy taʼlim muassasalari tashkil topganidan gʻururlanamiz. Ana shunday oliy taʼlim muassasalaridan biri - Samarqand davlat universiteta oʻzining uzoq yillik faoliyati davrida Oʻzbekistonimiz xalq xoʻjaligiga minglab mutaxassislar va oliy malakali kadrlar tayyorlab berdi.

Samarqand davlat universiteti 1927-yil 22-yanvarda Oʻzbekiston Hukumati qarori bilan Oliy pedagogika instituti nomi bilan tashkil qilingan (1927-1933), 1930-yili Oʻzbekiston davlat pedagogika akademiyasiga (1930- 1933) va 1933-yilda esa Oʻzbekiston davlat univereitetiga (1933-1941) aylantirilgan, 1941-1944-yillarda ikkinchi jahon urushi munosabati bilan Oʻzbekiston davlat universiteti Oʻrta Osiyo universiteti tarkibiga kiritilgan (xozirgi Oʻzbekiston Milliy universiteti), 1944-yilda Oʻzbekiston davlat universiteti qayta tiklandi (1944- 1960), 1960-yildan boshlab Oʻzbekiston davlat universiteti Samarqand davlat universiteti deb atalib kelmoqda.

Bugungi kunda Samarqand davlat universitetining 14 ta fakultet va 63 ta kafedralarida 34 ta taʼlim yunalishi va 40 ta magistratura mutaxassisligi boʻyicha 13000 ga yaqin talabalar tahsil olmoqda. Ularga 800 dan ortiq professor-oʻqituvchilar, jumladan, 3 nafar OʻzFA akademiklari, 81 nafar fan doktorlari va 311 nafar fan nomzodlari taʼlim berishmoqda. 40 dan ortiq mutaxassisliklar boʻyicha falsafa doktori (Phd) va fan doktorligi (DSc) doktoranturalari, ularni ximoyasini oʻtkazuvchi 9 ta ilmiy kengashlar faoliyat yuritmoqda.

Universiteti tarkibida 3 mln. dan ortik ilmiy va oʻquv adabiyotlari, jumladan, 15 000ga yaqin nodir kitob va sharq qoʻlyozmalari mavjud boʻlgan kutubxona hamda 3 ta akademik lisey, 4 ta muzey, 1ta oranjereya, 2ta noyob qurilma faoliyat yuritmokda.

Taʼlim-tarbiya jarayonini muntazam ishlashini taʼminlash maqsadida “Samarqand Davlat universiteti ilmiy axborotnomasi” ilmiy-uslubiy jurnali va “Samarqand universiteti” gazetasi davriy ravishda chop etilmoqda, oʻquv va ilmiy adabiyotlarni taxrir va nashr qiluvchi bosmaxona ishlab turibdi.

Mustaqillik yillarida universitet talabalaridan 19 nafari Oʻzbekiston Respublikasi Prezidenti nomidagi davlat stipediyalari, 98 nafari esa atoqli shaxslar nomidagi davlat stipendiyalarini, 9 nafar talaba esa “Zulfiya” nomidagi davlat mukofoti olishga sazovor boʻlishgan. 7 nafar talabalarimiz jahon chempioni, 57 nafar talabalar Osiyo chempioni, 170 nafardan ortiq talabalar Oʻzbekiston chempioni, 300 nafardan ortiq talabalar universiada chempioni va sovrindorlari boʻlishgan.

Universitet professor-oʻqituvchilardan 1 nafari “Buyuk xizmatlari uchun”, 5 nafari “El -yurt xurmati”, 5 nafari “Mexnat shuxrati” ordenlari, 3 nafari “Shuxrat” medali bilan taqdirlangan, 3 nafari “Oʻzbekiston Fan arbobi” va 6 nafari “Oʻzbekistonda xizmat koʻrsatgan yoshlar murabbiysi” unvonlarini olishgan.

Samarqand davlat universiteti Oʻzbekistonda taʼlim va ilm-fan soxalarida olib borilayotgan islohotlarning faol ishtirokchisi, taʼlim-tarbiya jarayonini uygʻunlashtirish, tayyorlanadigan mutaxassis kadrlarning raqobatbardoshligini oshirish, ilgʻor pedagogik texnologiyalarni joriy qilish, ilmiy tadqiqotlarni ustivorligi va dolzarbligini taʼminlash ishlarida tashabbuskorlik koʻrsatayotgan maskandir.

avlat universiteti

Буюк ипак йўли хабарчиси Маънавий-маърифий илмий-адабий, назарий-услубий журнал

Ethics Policy