“Eurasian Journal of Otorhinolaryngology - Head and Neck Surgery” jurnali 2022-yilda tashkil etilgan boʻlib, ilmiy-amaliy taqrizlanadigan ochiq (Open Access) jurnal hisoblanadi va zamonaviy otorinolaringologiya (LOR) hamda yuz va boʻyin jarrohligining dolzarb muammolarini yoritib boradi.

Jurnalda Oʻzbekiston Respublikasi va xorijiy mamlakatlar tibbiyot sohasi olimlarining ilgari chop etilmagan dolzarb mavzulardagi, tugallangan tibbiy - klinik ilmiy tadqiqotlarining natijalari va ularni olishda mualliflarning shaxsiy hissasini oʻzida aks ettirgan oʻzbek, rus va ingliz tillaridagi maqolalari nashr qilinadi.

Jurnalning bir yilda 4 soni chop etiladi. Jurnal onlayn boʻlib, OAK roʻyxatiga kiritish uchun hujjat topshirilgan. Tibbiyot sohasida olib borilayotgan ilmiy – amaliy innovatsion yangiliklarni, yosh olimlar, ilmiy tadqiqotchi izlanuvchilarni tibbiyotning dolzarb mavzulariga oid  maqolalarini hamda Respublika sogʻliqni saqlash idoralari  xodimlari amalga oshirayotgan ilmiy-innovatsion ishlarning tahliliy materiallarini yoritadi.