“JOURNAL OF INNOVATIVE RESEARCH IN TEXTILE AND LIGHT INDUSTRY” ilmiy texnik jurnali 2021 yildan beri nashr etiladi va to'qimachilik sohasidagi ilmiy tadqiqotlar natijalarini chop etish platformasi bo'lib xizmat qiladi. Uning asosiy maqsadi toʻqimachilik, yengil, paxta sanoati, ekologiya va mehnatni muhofaza qilish hamda sanoat iqtisodiyoti sohasidagi ilmiy va amaliy yutuqlarni sintez qilishdan iborat.

Nashr soha bo’yicha falsafa doktori va fan doktori ilmiy darajasini olish uchun dissertatsiyalarning asosiy ilmiy natijalari e’lon qilinishi kerak bo‘lgan taqrizlanadigan ilmiy nashrlar ro‘yxatiga kiritilgan.

ISSN: 2181-2209Mualliflar uchun qoidalar

Tahririyat mualliflardan quyidagi qoidalarga rioya qilishni so‘raydi:

Jurnalda faqat original materiallardan iborat ilmiy maqolalar chop etiladi. Mualliflar maqolaning avval nashr etilmaganligi, boshqa nashrda chop etish uchun topshirilmaganligi va keyinchalik boshqa jurnalda chop etmaslik to‘g‘risidagi mas’uliyatlarni o‘z zimmasiga oladi.

Maqolaning hajmi odatda 6 betdan kam bo‘lmasligi, matn 1,5 interval oraliqda MS yoki MS Word 7.0 Times New Roman 14 kegl shriftlarida terilgan bo‘lishi kerak (o‘zbek, ingliz va rus tillarida yozilgan annotatsiya, shakl, jadval va adabiyotlar ro‘yxati shu hajmga kiradi). Maqola quyidagi qismlardan iborat bo‘lishi kerak: annotatsiya, kalit so‘zlar (keywords ingliz tilida), kirish; nazariy tadqiqodlar; tajribaviy izlanishlar; natijalar tahlili; xulosa kabi qismlarga ajralgan bo‘lishi shart. IMRAD talabidagi maqolalar ham qabul qilinadi.

Maqolaning matni, 3 xil tildan birida qabul qilinadi: jumladan, o‘zbek, rus, ingliz tillarida.

Shakllar Wordda bajarilgan bo‘lishi va har bir shaklning o‘lchamlari 12x15 sm dan oshmasligi zarur.

Har bir jadvalga tegishli sarlavha qo‘yilgan va agarda ularning soni bittadan ko‘p bo‘lsa, tartib bilan raqamlangan bo‘lishi zarur.

Adabiyotlar ro‘yxati umumiy qabul qilingan talablarga (qoida taqdim etiladi) muvofiq rasmiylashtiriladi hamda qo‘lyozma oxiridagi umumiy ro‘yxatda keltiriladi. Foydalanilgan adabiyotlar eski bo‘lmagan so‘nggi 5-10 yillik adabiyotlari tavsiya etiladi. Ro‘yxat maqola matnida foydalanilgan tartibda yoziladi.

Qo‘lyozma matnida adabiyotlarga ishora kvadrat qavslarda beriladi (masalan [1, 2] yoki [1-4]) yoki sahifa so'nggida iqtiboslikda beriladi. Chop etilmagan ishlarga ishora qilish va ularni ro‘yxatda keltirish mumkin emas.

Maqolaning asosiy maqsadi, olingan natija, xulosa va tavsiyalarni o‘z ichiga olgan uch tildagi (o‘zbekcha, inglizcha va ruscha) annotatsiyalar bo‘lishi va har birining hajmi 150-300 tagacha so‘zdan iborat bo‘lishi kerak.

Mualliflar haqidagi ma’lumotnomada mualliflarning ismi, sharifi, otasining ismi (to‘liq yoziladi); ilmiy darajasi; ilmiy unvoni; lavozimi va tadqiqotlar o‘tkazilgan muassasaning to‘liq nomi, manzili va telefon raqamlari hamda email keltiriladi.

Ushbu qoidalarga javob bermaydigan hamda zarur qo‘shimcha hujjatlar ilova qilinmagan maqolalar qabul qilinmaydi.

Tahririyat maqolaga mualliflarni ogohlantirgan holda tahririy o‘zgartirishlar kiritishi mumkin.

Maqolaning qo‘lyozmalari mualliflarga qaytarilmaydi. Tahririyat

JURNAL ETIKASI

“JOURNAL OF INNOVATIVE RESEARCH IN TEXTILE AND LIGHT INDUSTRY” ilmiy-innovatsion elektron jurnali ilmiy nashrlar etikasi bo‘yicha xalqaro tamoyillarga amal qiladi hamda nashr jarayonida halollik, shaffoflik va xolislik prinsiplariga qat’iy rioya etadi.

Ilmiy halollik

Jurnal mualliflardan ilmiy halollik tamoyillariga to‘liq rioya etishni talab qiladi. Taqdim etilgan maqolalar:

mustaqil ravishda bajarilgan bo‘lishi;

ishonchli va tekshirilgan ilmiy natijalarga asoslangan bo‘lishi;

boshqa mualliflarning fikr va g‘oyalari to‘g‘ri iqtibos keltirilgan holda berilishi lozim.

Ma’lumotlarni soxtalashtirish, buzib ko‘rsatish yoki noto‘g‘ri talqin qilish qat’iyan man etiladi.

Plagiatga yo‘l qo‘ymaslik

Jurnal plagiatning har qanday ko‘rinishiga qarshi qat’iy siyosat yuritadi. Jumladan:

boshqa mualliflarning matnini o‘zlashtirish;

manbasiz ko‘chirish;

o‘z-o‘zini plagiat qilish (ilgari chop etilgan ishni takror taqdim etish)

qabul qilinmaydi.

Barcha maqolalar plagiatga tekshiruvdan o‘tkaziladi. Plagiat aniqlangan taqdirda maqola rad etiladi.

Tahririyat va taqrizchilar mas’uliyati

Tahririyat maqolalarni mazmuni, ilmiy saviyasi va dolzarbligiga ko‘ra xolis baholaydi. Taqrizchilar maxfiylik tamoyiliga amal qiladi hamda shaxsiy manfaatlar to‘qnashuviga yo‘l qo‘ymaydi.

Mualliflarning mas’uliyati

Mualliflar taqdim etilgan materialning haqqoniyligi, ilmiy yangiligi va mualliflik huquqiga rioya qilinishi uchun mas’uldirlar.