“Ўзбекистон физика журнали” илмий журналининг асосчиси ва таъсисчиси Ўзбекистон Республикаси Фанлар академияси ҳисобланади. Журнал 1957 йилдан чиқа бошлаган. 2006 йил 22 декабрдан Ўзбекистон Республикаси матбуот ва ахборот агентлигидан қайта рўйхатдан ўтган. Гувоҳнома № 0044. ISSN 1025-8817.

“Ўзбекистон физика журнали” физика соҳасига ихтисослаштирилган республикадаги ягона махсус журнал ҳисобланиб, физика фанининг турли йўналишларидаги ишланмалари ва барча йўналишдаги тадқиқотларни қамраб олади: астрономия ва космик тадқиқотлар, юқори энергия ва элементар заррачалар физикаси, ядро физикаси, конденцияланган муҳит физикаси ва материалшунослик, оптика ва спектроскопия, лазер физикаси, акустика, сирт физикаси ва б. 

Журналнинг мақсад ва вазифаси. Илмий-тадқиқот институтлари ва олий ўқув юртларининг докторантлари ва магистрлари, мутахассислар ҳамда илмий ходимларни  физика соҳасидаги янгиликлар, ютуқлар ва сўнгги ишланмалар тўғрисидаги маълумотлар билан таништириш.

Мутахассислиги. Журналда физика соҳасида олиб борилаётган оригинал илмий тадқиқотлар бўйича тайёрланган мақолалар чоп этилади. 01.00.00 – Физика-математика фанлари учун ЎзР ОАК рўйхатига киритилган.

Журналнинг алохида хусусиятлари. Журнал физика фанининг  асосий йўналишларидаги барча тадқиқотларни қамраб олади. Республика институтлари базасида ўтказилган республикадаги халқаро ва махаллий, симпозиум ва конференциялар материалларига бағишланган махсус сонлар чоп этилади.  

Тарқатилиш ҳудуди – Журнал Ион плазма ва лазер технологиялари институти томонидан фақат обуначиларга етказилади.

Молиялаштириш манбаи – бюджетдан ташқари маблағлар ва обуначилар ҳисобидан.