Наманган муҳандислик-технология институти илмий-техника журнали Ўзбекистон Республикаси Вазирлар Маҳкамаси ҳузуридаги Олий аттестация комиссиясининг 2019 йилда техника фанлари бўйича диссертациялар асосий илмий натижаларини чоп этиш тавсия этилган илмий нашрлар рўйхатига (Техника фанлари - 05.00.00) №33 рақам билан киритилган бўлиб, Ўзбекистон Республикаси Олий аттестация комиссияси Раёсатининг 2021 йил 31 мартдаги 295/6-сон қарорига кўра “Наманган муҳандислик-технология институтининг илмий-техника журнали” 02.00.00 – Кимё фанлари ҳамда 08.00.00 – Иқтисодиёт фанлари  бўйича ҳам Олий аттестация комиссиясининг диссертациялар асосий илмий натижаларини чоп этиш тавсия этилган илмий нашрлар рўйхатига киритилган. Ўзбекистон республикаси ва белгиланган тартибда ҳорижий давлатларнинг профессор-ўқитувчилари томонидан пахтани дастлабки ишлаш, тўқимачилик ва енгил саноат, қишлоқ хўжалиги маҳсулотларини етиштириш, сақлаш, қайта ишлаш ва озиқ-овқат технологиялари, кимёвий технологиялар, механика ва машинасозлик, таълимда илғор педагогик технологиялар ҳамда иқтисодиёт йўналишлари бўйича тайёрланган  илмий-техник мақолалари мунтазам равишда чоп этиб келинмоқда.