“Yosh olimlar axborotnomasi” OʻzFA Yosh olimlar kengashining oʻz oldiga qoʻygan vazifalari va tahririyat Nizomi asosida faoliyat koʻrsatadi. Ilmiy-nazariy, xususan, fanlar akademiyasi tasarrufidagi ilmiy-tekshirish institutlarida tarmoq fanlar yoʻnalishida olib borilayotgan ilmiy izlanishlar salohiyatini yanada yuksaltirish, ilm-fan yutuqlarini keng targʻib qilish, yangi texnologiyalarni joriy etish, yosh olimlarning ilmiy faoliyatini har tomonlama koʻmaklashish uchun imkoniyat yaratish axborotnomaning bosh maqsadidir.

Axborotnoma OʻzFA ilmiy-tadqiqot institutlarining yosh olimlari, oliy va oʻrta maxsus taʼlim oʻquv yurtlarining litsey va kollej oʻquvchilari, bakalavriat va magistratura bosqich talabalari, aspirantlar, doktorantlar, adyunktlar, ordinatorlar hamda ilm-fan sohalariga aloqador milliy va xorijlik mutaxassislarga moʻljallangan.