Jurnal 2001-yildan buyon har chorakda bir marta, 2009-yildan esa ikki oyda bir marta, 2011-yilning mart oyidan boshlab oyda bir marta nashr qilinmoqda. Jurnalning oʻsha paytdagi hajmi 5 tabaq boʻlib, hozirda uning hajmi 8 bosma tabaqdan oshadi. Jurnal 2013-yilning may oyidan boshlab, A‒4 bichimda nashr qilina boshladi.

Jurnal sahifalarida, nizomda belgilanganidek, oʻzbek, rus va ingliz tillaridagi maqolalar muntazam chop qilinmoqda.

Jurnal Oʻzbekiston Respublikasi Vazirlar Mahkamasi huzuridagi Oliy attestatsiya komissiyasining filologiya va falsafa hamda fizika-matematika, pedagogika fanlari boʻyicha doktorlik dissertatsiyalari asosiy ilmiy natijalarini chop etish tavsiya etilgan ilmiy nashrlar roʻyxatiga kiritilgan.