O'zbekiston davlat san'at va madaniyat instituti xabarlari

“O‘zbekiston madaniyati va san’ati” elektron jurnaliga taqdim etiladigan ilmiy maqolalarga qo‘yiladigan asosiy talablar jahon andozalari hamda O‘zbekistondagi doktorlik (PhD va DSc) tadqiqotlari tizimidagi andozalardan kelib chiqadi. Ya’ni: 1. Muallif (yoki mualliflar) tomonidan taqdim etilayotgan ilmiy maqola mavzusi “O‘zbekiston madaniyat va san’ati” ilmiy jurnalining ruknlariga mos kelishi shart. 2. Maqola xalqaro andozalar talabi doirasidagi quyidagilarga ega bo‘lishi lozim:

Maqola muallifi to‘g‘risida ma’lumot (Author information). Ushbu qismda muallifning ismi-sharifi, ish joyi va lavozimi, ilmiy darajasi va unvoni, elektron pochta manzili va muloqot telefonlari kiritiladi.

Maqola mavzusi (Title). Maqola mavzusi imkon qadar qisqa va lo‘nda ko‘rinishda shakllantirilgan bo‘lib, maqolaning tadqiqot yo‘nalishini aniq ifoda etishi, matn yozilgan til va ingliz tilida berilishi lozim..

Maqola annotatsiyasi (Abstract). Maqolaning qisqacha annotatsiyasi

6 qatordan oshmagan holda maqola tili va ingliz tilida beriladi (maqola ingliz tilida bo‘lsa, annotatsiya ingliz va o‘zbek tilida bo‘lishi kerak). Unda tadqiqot muammosi, uning dolzarbligi, maqolaning to‘la mazmunidan kelib chiqqan holda muallifning ilmiy va amaliy hissasining qisqacha bayoni yoritiladi.

Kalit so‘zlar (Key words). Maqola mazmuni va maqsadini eng qisqa mazmunda ochib beruvchi kalit so‘zlar hisoblanadi. scholar.google.com yoki google.com qidiruv tizimida maqola oson va eng birinchi sahifalarda topilishi uchun tayanch so‘zlarning har biri asosiy matn tarkibida o‘rtacha 4–6 marta takrorlanishi tavsiya etiladi. Kalit so‘zlar 8-10 ta so‘zdan oshmasligi lozim.

Kirish (Introduction). Kirish qismida asosan tadqiqot muammosi, uning maqsad va vazifalari yoritiladi. Mazkur qism tadqiqot mavzusining tanlanish asosi, uning dolzarbligi va ilmiy ahamiyatini tushuntirib beradi.

Asosiy qism (The main part). Asosiy qismda mavzuga oid adabiyotlarning tahlili, tadqiqot metodologiyasi, tahlil va natijalar aks ettirilishi tavsiya etiladi.

Xulosa (Conclusion). Tadqiqotning maqsad va vazifalarining anglashilganligi hamda tadqiqot savollarining o‘z javobini topganligi, tadqiqotning asosiy natijalariga va tadqiqotning umumiy jarayoniga umumiy xulosalar, shu bilan birga, takliflar va ayni tadqiqotdan kelib chiqqan holda kelajak tadqiqot ishi yo‘nalishlari maqola xulosa qismining asosini tashkil etishi lozim.

Adabiyotlar ro‘yxati (References). Ushbu qismda tadqiqotda foydalanilgan barcha adabiyotlarning ro‘yxati [1], [2] yoki [3] ketma-ketligida qo‘yiladi (matn ichida [1, 22-b] ko‘rinishida): muallif ismi-sharifi, foydalanilgan adabiyot nomi, nashr manzili, nashriyot nomi, yili, betlari.

Maqolaga qo‘yiladigan umumiy talablar. Maqola matni shrifti “Times New Roman”da, 14, lotin alfbosida bo‘lib, qatorlar oraliqlari masofasi 1.5 intervalda bo‘lishi lozim. Maqola matni sahifasining chap, yuqori va quyi tomonidan 2, o‘ng tomonidan 1 santimetrdan iborat masofa qoldiriladi. Abzas 1,25 santimetrdan oshmasligi lozim. Maqolaning maksimal hajmi 10 betdan oshmasligi, minimal hajmi esa 6 betdan kam bo‘lmasligi hamda foydalanilgan adabiyotlar soni kamida 5-10 manbadan iborat bo‘lishi lozim. Maqolada jadval, chizma yoki rasmlar bo‘lishi ham mumkin. Jadval nomlari uning yuqori qismida, chizma yoki rasm nomlari ularning quyi qismida yozilishi hamda ularning manbasi aniq ko‘rsatilishi lozim.

Maqolalar o‘zbek, qoraqalpoq, rus va ingliz tillarida taqdim etilishi mumkin.

O‘zbek tilidagi o‘, g‘, q, h kabi harflar ilmiy maqola matnida gaplar tarkibida to‘liq yozilishi shart.