“Integrative dentistry and maxillofacial surgery ” jurnali 2022-yilda tashkil etilgan boʻlib, ilmiy-amaliy taqrizlanadigan ochiq (Open Access) jurnal hisoblanadi va zamonaviy stomatologiya hamda yuz-jagʻ jarrohligining, shu jumladan eksperimental-nazariy stomatologiya, terapevtik stomatologiya, jarrohlik stomatologiyasi, ortopedik stomatologiya, ortodontiya, bolalar stomatologiyasi va stomatologik kasalliklar profilaktikasining dolzarb muammolarini yoritib boradi.

Jurnalda Oʻzbekiston Respublikasi va xorijiy mamlakatlar tibbiyot sohasi olimlarining ilgari chop etilmagan dolzarb mavzulardagi, tugallangan tibbiy - klinik ilmiy tadqiqotlarining natijalari va ularni olishda mualliflarning shaxsiy hissasini oʻzida aks ettirgan oʻzbek, rus va ingliz tillaridagi maqolalari nashr qilinadi.

Jurnalning bir yilda 4 soni chop etiladi. Jurnal onlayn boʻlib, OAK roʻyxatiga kiritilgan. Tibbiyot sohasida olib borilayotgan ilmiy – amaliy innovatsion yangiliklarni, yosh olimlar, ilmiy tadqiqotchi izlanuvchilarni tibbiyotning dolzarb mavzulariga oid maqolalarini hamda Respublika sogʻliqni saqlash idoralari xodimlari amalga oshirayotgan ilmiy-innovatsion ishlarning tahliliy materiallarini yoritadi.