Педиатрия

“Педиатрия” илмий-амалий журналининг мақсад ва вазифалари – Республикамизда ва якин хорижнинг (хамдустлик мамлакатлари – Россия Федерацияси, Белорусия ва Қозоғистон Республикалари) педиатрия соҳасининг етук мутахассислари, болаларнинг ички, юқумли, жарроҳлик, ирсий касалликларига ташхис қўйиш, даволаш ҳамда профилактика масалаларига бағишланган монотематик мақолалари ва шарҳ материаллари билан журнал саҳифаларида ёритишдан иборат. Бундан ташқари журналда, республика болалар клиник шифохоналарида ўтказилаётган илмий тадқиқотлар натижалари бўйича замонавий тиббиёт фани ютуқлари ёритилади. Нашр этилаётган мақолалар амалиётда фаолият кўрсатаётган шифокорлар, тиббиёт институтлари ўқитувчи ва талабалари, магистрлари, клиник ординаторларнинг ўз соҳалари бўйича малакаларини ошириш ва илмий ахборот танлаш учун  ниҳоятда зарур.

        Журналда мақолалар “соғлиқни сақлашни ташкиллаштириш масалалари, “оригинал маколалар”, амалиётга ёрдам”, “амалиётдаги ҳодисалар”, “медицина олий ўқув юртларида таълим бериш масалалари”, “экспериментал медицина”, “педиатрияда қўлланиладиган дори-дармонлар”, “шарҳлар” ва “юбилейлар” рукнлар остида чоп этилади.