Yarimoʻtkazgichlar fizikasi va mikroelektronika

“Yarimo‘tkazgichlar fizikasi va mikroelektronika” jurnali uchun maqolalarni rasmiylashtirish qoidalari

1. Jurnalda quyidagi yo‘nalishlar bo‘yicha maqolalar chop etiladi:

1. Yarimo‘tkazgichlar fizikasi;
2. Yarimo‘tkazgichli mikroelektronika;
3. Yarimo‘tkazgichlar materialshunosligi;
4. Yarimo‘tkazgichlarning radiatsion fizikasi;
5. Geliofizika va muqobil energiya manbalari.

Qo‘lyozmalarni tayyorlash qoidalari kompyuterda terishga mo‘ljallangan.

2. Maqolada ma’lumotlar quyidagi tartibda keltiriladi:

1. UDK (O‘DK);
2. Maqola sarlavhasi;
3. Mualliflarning familiyalari, lavozimi, ilmiy unvoni va darajasi, ish bajarilgan tashkilot nomi, shuningdek, zarur hollarda tahririyat bog‘lanishi uchun mualliflarning manzili, elektron pochtasi va aloqa telefoni;
4. Rus va ingliz tillarida bir xil mazmundagi, hajm 7-10 satr bo‘lgan, lekin 3 ta jumladan kam bo‘lmagan annotatsiyalar;
5. Maqola o‘ziga xosligini aks ettiruvchi kalit so‘zlar (so‘z birikmalari) — rus va ingliz tillarida 10 ta so‘zdan oshmagan holda;
6. Maqola matni;
7. Foydalanilgan adabiyotlar ro‘yxati.

3. Muassasada o‘tkazilgan ishlar natijalarini o‘z ichiga olgan maqolalar albatta ushbu muassasaning yo‘llanma xatiga ega bo‘lishi kerak. Agar mualliflar jamoasi turli muassasalar xodimlaridan iborat bo‘lsa, har bir muallifning ish joyi ko‘rsatilishi lozim.

4. Jurnal hajmi kamida 3 va ko‘pi bilan 5 sahifadan iborat bo‘lgan maqolalarni qabul qiladi (ko‘pi bilan 4 ta rasmni o‘z ichiga olgan holda).

5. Maqolaning barcha mualliflar tomonidan qo‘l qo‘yilgan skanerlangan nusxasi elektron pochta orqali tahririyatga yuboriladi va unga ekspertiza xulosasi ilova qilinishi shart (faqat O‘zbekiston Respublikasi mualliflari uchun).

6. Maqola tahririyatga yuborilganda barcha rasmlar alohida fayllarda .jpg yoki .bmp formatida yuboriladi.

7. Maqolalarning elektron versiyalari Word for Windows (2007 versiyasidan past bo‘lmagan) formatida .docx kengaytmasi bilan ispm_uz@mail.ru elektron pochtasiga yuboriladi (nusxasi director@ispm.uz manziliga). Matn Times New Roman 12pt shriftida, 1.5 intervalli terilishi kerak.

1. Hoshiyalar: chapdan 3 cm, yuqoridan va pastdan 2.5 cm dan, o‘ngdan 2 cm; matn kenglik bo‘yicha tekislanadi, formulalar esa o‘rnatilgan formula muharriridan foydalanib yoziladi (Word muharririda «Insert» -> «Equation» bo‘limiga o‘ting). Taqdim etilayotgan qo‘lyozmada kichik shrift (petit) hech qaerda ishlatilmaydi.
2. Elektron pochta orqali yuboriladigan ma’lumotlarni tartibga solish maqsadida maqola matni fayli hamda grafik fayllar bir jildga (papka) joylashtiriladi va ZIP yoki RAR formatidagi arxiv fayliga joylanadi. Ushbu fayl nomi birinchi muallifning familiyasi bilan nomlanadi.

8. Maqola matnining quyidagi tuzilmasiga amal qilish tavsiya etiladi:

1. Kirish (Введение),
2. Tadqiqot sohasi (Область исследования),
3. Tajriba metodikasi (Методика эксперимента),
4. Tajriba natijalari (Экспериментальные результаты),
5. Natijalar muhokamasi (Обсуждение результатов),
6. Xulosa (Заключение).

9. Maqola sarlavhasi va annotatsiyasida qisqartmalarni (abbreviaturalarni) ishlatmaslik kerak. Agar maqola ingliz tilida bo‘lsa, maqola sarlavhasini artikldan boshlamaslik lozim. Maqola matnida barcha qisqartmalar birinchi bor tilga olinganda, u umumqabul qilingan bo‘lsa ham (masalan, volt-amper xarakteristikasi — VAX), to‘liq kengaytirib yozilishi shart.

10. Jurnalga taqdim etilayotgan maqolalarning foydalanilgan adabiyotlar ro‘yxati (bibliografiyasi) “Nature” xalqaro ilmiy jurnali standartlari va talablariga qat’iy muvofiq holda rasmiylashtirilishi lozim.

Nature stilidagi rasmiylashtirish namunalari:

1. Kitob: Author, A. B. Book Title (Publisher, Year).
2. Namuna: Sze, S. M. & Ng, K. K. Physics of Semiconductor Devices (John Wiley & Sons, 2006).
3. Ilmiy maqola: Author, A. B. & Author, C. D. Title of the article. Abbreviated Journal Name volume number, page–page (year).
4. Namuna: Smith, J. A. & Johnson, B. C. Advances in semiconductor physics. Nat. Mater. 15, 123–130 (2020).
5. Konferensiya materiali: Author, A. B. Title of paper. In Title of Conference Proceedings page–page (Publisher/Location, Year).
6. Namuna: Ivanov, I. I. Quantum efficiency in solar cells. In Proc. 5th Int. Conf. on Semiconductor Physics 45–50 (Tashkent, 2022).
7. Internet manbasi: Title of Webpage. Website Name URL (Year/Date of access).
8. Namuna: Solar Cell Efficiency Tables. National Renewable Energy Laboratory https://www.nrel.gov/pv/cell-efficiency.html (2023).

11. Nashriyot muallif bilan kelishmagan holda qo‘lyozmaga zaruriy tahrirlarni: annotatsiya, kalit so‘zlar, adabiyotlar ro‘yxati, shuningdek, ingliz tilidagi tarjima matnlarini tuzatish huquqiga ega.

12. Jurnalda chop etish uchun faqat jurnal tematikasiga mos keladigan maqolalar qabul qilinadi.

Eslatma: Maqolani “Yarimo‘tkazgichlar fizikasi va mikroelektronika” jurnaliga nashr etish uchun yuborishda muallif jurnal tahririyatiga maqolani chop etish huquqini topshiradi hamda maqola mazmunining original (noyob) ekanligini kafolatlaydi. Agar maqola materiallari uchinchi shaxslarning mualliflik huquqlarini buzsa, javobgarlik maqola muallifi zimmasida bo‘ladi. Muallif nashrga taqdim etilayotgan materiallarning mazmuni va rasmiylashtirilishi uchun shaxsan javobgardir.

Tahririyat materiallarni taqdim etgani uchun mualliflarga pul mukofoti (gonorar) to‘lanmaydi.