“Agro kimyo himoya va o‘simliklar karantini” jurnali

“Agrokimyo himoya va o‘simliklar karantini” — qishloq xo‘jaligida agrokimyo, o‘simliklarni himoya qilish va fitosanitariya yo‘nalishlarida olib borilayotgan ilmiy-tadqiqot natijalarini yoritishga ixtisoslashgan ilmiy jurnal. Jurnalda agrokimyo, o‘simliklarni himoya qilish, o‘simliklar karantini, entomologiya, fitopatologiya, agroekologiya, tuproqshunoslik, o‘simliklarning oziqlanishi, zararkunandalar va kasalliklarga qarshi kurash, biologik himoya vositalari hamda zamonaviy fitosanitar texnologiyalarga oid ilmiy maqolalar e’lon qilinadi.

Jurnalning asosiy maqsadi — qishloq xo‘jaligi ekinlarini zararkunandalar, kasalliklar va begona o‘tlardan himoya qilish, o‘simliklar karantini va agrokimyoviy tadbirlarni takomillashtirish bo‘yicha ilmiy izlanishlar natijalarini ilmiy jamoatchilikka yetkazish hamda zamonaviy ilmiy ishlanmalarni amaliyotga joriy etishga ko‘maklashishdan iborat.

Jurnalda olimlar, tadqiqotchilar, doktorantlar, magistrlar va soha mutaxassislarining ilmiy ishlari nashr etilib, fan, ta’lim va qishloq xo‘jaligi ishlab chiqarishi o‘rtasidagi ilmiy-amaliy aloqalarni rivojlantirishga xizmat qiladi.