INFOLIB – O‘ZBEKISTON AXBOROT-KUTUBXONA JURNALI

“INFOLIB” axborot-kutubxona jurnali tahririyati plagiat masalasiga jiddiy yondashadi va quyidagi talablarga amal qiladi:

● Plagiat – bu boshqa manbalardan olingan g‘oyalar, matnlar yoki ijodiy ifodalarni o‘ziniki deb taqdim etish bo‘lib, ilmiy etika me’yorlarining qo‘pol ravishda buzilishi hisoblanadi. Plagiat holatlari mualliflik huquqlarini ham buzishi mumkin.

● Boshqa muallif ishidan so‘zma-so‘z yoki unga yaqin shaklda ko‘chirish, shuningdek, qasddan qayta bayon qilish, manba yoki iqtiboslarni ko‘rsatilmasdan (masalan, ikki nuqta, qavs) qo‘llanmasdan amalga oshirilsa, plagiat deb baholanadi. Agar manba jurnaldan keltirilganda quyidagi bibliografik format talab etiladi:

Avtor, AA, Avtor, BB, & Avtor, CC (yil). Maqola nomi kichik harflarda. JURNAL NOMI KATTA HARFLARDA, jild (son), bosh sahifa – oxirgi sahifa.

● Boshqa maqoladan olingan formulalar, rasmlar yoki jadvallarni tegishli manbani ko‘rsatmasdan va/yoki muallif yoki huquq egasining ruxsatisiz qayta chop etish qat’iyan taqiqlanadi.

● Taqdim etilgan barcha maqolalar antiplag.uz tizimi orqali plagiatga chuqur tekshiruvdan o‘tkaziladi.

● Agar maqolada ochiq-oydin plagiat belgilari aniqlansa, maqola avtomatik ravishda rad etiladi va qo‘shimcha sanksiyalar qo‘llaniladi (tahririyat bundan buyon mualliflar bilan hamkorlik qilmaydi). Jurnalda allaqachon nashr etilgan maqolada plagiat aniqlangan taqdirda esa, u quyida «Qaytarib olish siyosati» bo‘limida bayon etilgan tartibga muvofiq qaytarib olinadi va mualliflarga nisbatan boshqa sanksiyalar belgilanadi.

Manfaatlar to‘qnashuvi siyosati

Mualliflar o‘z ishlarida natijalarga yoki ularning talqiniga ta’sir qilishi mumkin bo‘lgan barcha moliyaviy yoki boshqa turdagi manfaatlar to‘qnashuvini ochiq bayon etishlari shart. Agar manfaatlar to‘qnashuvi mavjud bo‘lmasa, quyidagi standart bayonot keltiriladi:

«Manfaatlar to‘qnashuvi mavjud emas»

Manfaatlar to‘qnashuvi quyidagi holatlarda yuzaga kelishi mumkin:

● tashkilotdan moliyalashtirish, maosh, gonorar yoki boshqa to‘lovlar olish;

● nashr natijalaridan foyda yoki zarar ko‘rishi mumkin bo‘lgan aksiyalar yoki ulushlarga egalik qilish;

● ish beruvchi yoki moliyalashtiruvchi tomonidan patentga egalik qilish yoki unga ariza berilgan bo‘lishi;

● publikaga taalluqli manfaat guruhlarida rasmiy a’zolik;

● oilaviy, siyosiy, diniy yoki ideologik qarashlar tufayli yuzaga kelgan ziddiyatlar.

Axborot-kutubxona sohasidagi yoki sotsiologik tadqiqotlarni moliyalashtiruvchi tijoriy tashkilotlar bilan bog‘liq mualliflar bu haqda maqola topshirish vaqtida albatta ma’lumot berishi shart. Har bir muallifning bunday tashkilot bilan aloqasi «Manfaatlar to‘qnashuvi» bo‘limida aniq bayon etiladi. Jurnal nashrlarida tijoriy mahsulotlarni reklama qiluvchi materiallar joylashtirilmaydi.