“Bulletin of National University of Uzbekistan: Mathematics and Natural Sciences” журнали асл (оригинал) илмий мақолаларни чоп этувчи тақриз қилинадиган илмий нашр ҳисобланади. Ушбу туркумдаги журналга 1997 йилда Ўзбекистон Миллий университетида асос солинган. Илмий журналнинг асосий мақсади — профессор-ўқитувчилар, докторантлар ва талабалар ўртасида математика, физика, кимё, биология, геология ва география фанлари соҳасида таълим ҳамда илмий-тадқиқот ишлари ривожланишига кўмаклашишдан иборат.