Sharq taʼlimi jurnali

Sharq taʼlimi jurnali” metodika fanlariga ixtisoslashgan nashr boʻlib, maktabgacha taʼlim, boshlangʻich taʼlim, tabiiy, ijtimoiy, aniq va gumanitar fanlarni oʻqitish, taʼlimda zamonaviy innovatsiyalarni qoʻllash kabi sohalardagi ilmiy-amaliy innovatsion yangiliklarni har tomonlama yoritishni, jurnalxonlarning taʼlim sohasidagi fanlarda kuzatilayotgan ilmiy yangilik va axborotlarga boʻlgan talab-ehtiyojlarini yanada toʻlaroq qondirishni, jurnal imkoniyatlaridan keng va samarali foydalanishni oʻz oldiga asosiy maqsad qilib qoʻyadi. Taʼlimda olib borilayotgan dolzarb, yangi, ilm uchun samarador hisoblangan va taqrizdan oʻtkazgan maʼlumotlarni ommaga eʼlon qilishni eng asosiy vazifalardan hisoblanadi.

Mazkur ilmiy jurnal onlayn nashr qilinadigan boʻlib, yiliga 6-marta oʻzbek, ingliz, rus tillarida onlayn eʼlon qilinadi.

Tahririyat oʻquvchilarni mamlakatimiz va xalqaro taʼlimda roʻy berayotgan voqea va hodisalardan, yangiliklardan xabardor etadi. Shu bilan birga jurnalda mamlakatimiz, shuningdek, jahon xalq taʼlimi, oliy va oʻrta talim soha namoyondalarining  ilmiy-publitsistik yoʻnalishdagi eng sara asarlari chop etiladi.