Ушбу мақолада илмий мақола жанрига тавсиф берилади ва унинг турлари батафсил изоҳланади. Илмий мақолани халқаро илмий журналлар талабларига кўра расмийлаштиришда IMRAD стандарти қўлланилиши ва ушбу стандарт бўйича мақола тузилиши жадвал кўринишида келтирилади. Мазкур стандарт Россия Федерацияси Фан ва олий таълим вазирлиги томонидан ишлаб чиқилган илмий журналларда чоп этиладиган мақолаларни тайёрлаш ва расмийлаштиришга оид тавсиялар билан таққосланди ва фарқли жиҳатлари кўрсатиб ўтилди. Ушбу икки стандарт асосида Ўзбекистонда нашр этилаётган «Илм-фан ва инновацион ривожланиш» илмий журналига юборилаётган илмий-амалий мақолалар асосий қисми структурасига қўйиладиган талаблар ишлаб чиқилди.