Ma’naviy barkamol avlodni tarbiyalashda “ommaviy madaniyat”ning salbiy ta’siri

Maqolada Yangi O‘zbekiston taraqqiyotining ayni rivojlanish bosqichida yoshlar ma’naviy ongiga chetdan kirib kelayotgan hurujlarga to‘xtalgan. Xususan,“ommaviy madaniyat”ning deyarli barcha jihatlarini ochib berishga, uning salbiy ta’sirini oldini olish borasidagi tavsiyalarni berishga harakat qilingan. “Ommaviy madaniyat” kishilarga o‘zlari yashayotgan olamni emas, boshqa olamlar obrazlarini tasvirlashini, uning har bir mavzusi – “ochiq ko‘zlar ko‘rayotgan tush”, hayol bilan hayot boshqa narsa ekanligini, doim ham hayolda o‘ylagan narsalar hayotda o‘z aksini topavermasligini asoslab bergan. Shuningdek, “ommaviy madaniyat” nafaqat yoshlar, balki, jamiyatning butun a’zolari uchun taqlidga andoza berayotgani, insonlar ongi va dunyoqarashiga kirib borib ularning kiyinishida, hayot tarzida, insonlar bilan maomalasida, oilaviy munosabatlarda, o‘zini tutishida hamda boshqa jabhalarda o‘zining salbiy ta’sirini o‘tkazayotganini, insonlar boshqa odamning dunyoqarashi, didi bilan ish ko‘ruvchi biomashinaga aylanib qolayotganligiga to‘xtalib o‘tgan. Muallif “ommaviy madaniyat” tushunchasini ochib berishda hayotiy misollarga alohida e’tibor qaratgan.