Alisher Navoiy “Layli va Majnun” asarida xotin-qizlar obrazini yorqin boʻyoqlar orqali ifodalagan. Oʻzining boshqa xamsanavis salaflaridan farqli oʻlaroq ayollarga ijobiy qarashlarini, ularning jamiyatdagi oʻrnini aks ettirgan. Xotin-qizlarga buyumdek, qimmatbaho toshdek emas, balki ularning bilim olishi orqali jamiyatga hissa qoʻshadigan davlat arbobi darajasidagi xotin-qizlarga ijobiy baho beradi. Navoiy ushbu asarida qizlarning ta’lim olishiga ham katta e’tiborini qaratgan. Ayniqsa ilm, kasb-hunar egallashida oʻgʻil-qizlarning tahsil olishi uchun maktab ta’limi kerakligini bildirgan. Navoiy asarida oʻgʻil-qizlarning bir maktabda oʻqishi, birga sayr qilishini tasvirlash orqali ularning teng huquqlarini himoya qilgan. Maqolada Alisher Navoiyning “Xamsa” asaridagi “Layli va Majnun” dostonida qizlarning bilim egallashi va gender tenglik masalasi bugungi davr bilan hamnafas ekanligi tahlil qilingan.