Ushbu maqolada O‘zbekiston Respublikasining Yangi Konstitutsiyasini yaratishda o‘zbek davlatchiligi tarixidan va rivojlangan davlatlar konstitutsiyalardan foydalanilganligining ahamiyati to‘g‘risida so‘z yuritilgan. Asosan, Amir Temur davlatining Konstitutsiyasi hisoblangan “Temur tuzuklari”, keyingi temuriylar davlatlarining qonun-qoidalarida aholining ijtimoiy-huquqiy jihatlarga e’tibor berilganligi ko‘rsatib o‘tilgan. Maqolada Yangi Konstitutsiyadagi “Inson-jamiyat-davlat” g‘oyasi asosida xalqimizning manfaatlarini ustuvor bilib, bugungi globallashuv va tahlikali zamonda fuqarolarning ijtimoiy himoyasini yangi bosqichga ko‘tarish, ularning yaxshi yashash uchun xaqli ekanligini inobatga olib, davlatning ijtimoiy majburiyatlari ko‘paytirilganligi bilan muhimligi ta’kidlangan. Jahondagi rivojlangan Yevropa, Osiyo va Amerika qit’alaridagi davlatlarning ijtimoiy himoyaga oid tajribalari bilan qiyoslab berilgan. O‘zbekistonda ham rivojlangan davlatlar kabi aholining ijtimoiy-huquqiy jihatdan qo‘llab-quvvatlash, himoyalash, turmush sharoitini yaxshilash bo‘yicha davlat majburiyatlarini oshirilganligi tahlil qilingan.