Har qanday mamlakat taraqqiyotida ayni davlat hududida istiqomat qiladigan turli millat vakillariga nisbatan hukumat siyosati, tolerantlik g‘oyalarining xalq orasida qanchalik singdirilganligi ham muhim rol o‘ynaydi. Ushbu maqolada O‘zbekistonda, xususan, Andijon viloyatida istiqomat qiladigan turli xil millat va elatlar orasida kam sonli millatlarning statistikasi, ijtimoiy, siyosiy, ma’naviy hayotdagi ishtiroki, huquq va erkinliklarining kafolatlari haqida so‘z boradi. Unda o‘zbek xalqi o‘zining bag‘rikengligi va oliyjanob xislatlarini namoyon qilib kelganligi, turli millatlar bilan do‘stona munosabatlar, mehmondo‘stlik kabi milliy qadriyatlarni doimo saqlab qolganligi, bu esa barcha millat va xalqlarning shu Vatanda doimiy yashab qolishi hamda o‘zini har tomonlama namoyon qilib, yagona oila tuyg‘usini shakllantirishida muhim ahamiyat kasb etganligi o‘z ifodasini topgan bo‘lib, millatlararo munosabatlarni yanada takomillashtirish, turfa millatlar o‘rtasidagi barqarorlik va dinlararo bag‘rikenglik, kam sonli millatlar nufuzining ortib borishi kabi masalalar o‘rin olgan.