Ushbu maqolada Aytmatovning asarlari maktab dasturida muhim o‘rin egallab, o‘quvchilarning shaxsiy sifatlarini shakllantirishda bebaho rol o‘ynashi, shuningdek, uning asarlari orqali o‘quvchilarda qanday shaxsiy sifatlarni rivojlantirish mumkinligi tahlil qilinadi. Xususan, Aytmatovning asarlarini o‘qitish orqali asosiy ijobiy shaxsiy sifatlar bo‘lgan mehr-muhabbat va insonparvarlik, adolat va javobgarlik, jasorat va matonat, tabiat bilan uyg‘unlikda yashash, vatan, ota-ona, aka-uka, oila uchun chin dildan xizmat qilish kabi pokiza fazilatlarni o‘quvchilarda shakllantirish haqida fikrlar bildiriladi. Maktablardagi qirg‘iz adabiyoti o‘qituvchilari uchun ba’zi ko‘rsatmalar va metodlar taklif etilgan.